چاووش اوغلو 10-جو سفیرلر کنفرانسیندا چیخیش ائتدی
تورکیه یانلیش تصووور فورمالاشدیرما، کامپانیایا باخمایاراق دونیادا یاتیریم قویماغا ان ال وئریشلی اؤلکهلردن بیریدیر.
خاریجی ایشلر ناظیری مولود چاووش اوغلو تورکیهنین یانلیش تصووور فورمالاشدیرما، کامپانیایا باخمایاراق دونیادا یاتیریم قویماغا ان ال وئریشلی اؤلکهلردن بیری اولدوغونو سؤیلهدی.
تورکیه یانلیش تصووور فورمالاشدیرما، کامپانیایا باخمایاراق دونیادا یاتیریم قویماغا ان ال وئریشلی اؤلکهلردن بیریدیر.
بونو خاریجی ایشلر ناظیری مولود چاووش اوغلو پایتاخت آنکارادا سایجا 10-جو سفیرلر کنفرانسینین رسمی آچیلیشیندا ایشتیراکچیلارا خطابن دئییب.
امریکا طرفیندن ارز مزننهسی اوزریندن ائدیلن ایقتیصادی تضییقلره توخونان چاووش اوغلو" امریکانین اننوی دوستلوق علاقهلریمیزه و ناتو پیمانینا صادق قالماسینی گؤزلییریک" دئییب.
امریکانین تحریملر ایله هئچ نه الده ائده بیلمهیهجگینی وورغولایان چاووش اوغلو، "امریکا بیلمهلیدیر کی، تضییقلرله بیر شئی ائدیله بیلمهیهجک. دیپلماسینی، قارشیلیقلی راضیلاشمانی قبول ائدریک، اما تضییقله بیر شئیی قبول ائتمییمیز غیری-مومکوندور" دئیه بیلدیریب.
امریکا ایله سون دؤورده آرزو ائدیلمهین وضعیتین اورتایا چیخدیغینی وورغولایان چاووش اوغلو دئییب کی، امریکا رهبرلیگی قورولوشچو اولماقدان اوزاق رفتار سرگیلهدی. فتح الله چی ترور تشکیلاتی فتو مسئله سینده کونکرت آددیم آتمادیلار. 15 ژوئیه 2016-جی ایل تاریخینده باش وئرن چئوریلیش جهدینین آرخاسیندا فتو-نون اولدوغونو بیلیرلر. اونلارین بیزدن ایستدیکلری سندلری گؤندردیک. بو تشکیلات پنسیلوانیادا چوخ راحت شکیلده حیاتینی داوام ائتدیریر. بو موضع اونلارا اویغون دئییل. بو موضعی یالنیز تورکیهیه قارشی دئییل، بوتون دونیادا داوام ائتدیریر. عمومی اولاراق دوستلوق موناسیبتلریمیزه، ناتو ایله اولان متفیقلیگیمیزه صادق قالاجاقلارینی گؤزلییریک. امریکا ایچ سیاست مسئله سینده قالماقاللی موضعینی داوام ائتدیریر.
تورکیهنین امریکا ایله علاقهلری نورماللاشدیرماق اوچون اوزرینه دوشنی یئرینه یئتیردیگینی بیلدیرن چاووش اوغلو "امریکا بیلمهلیدیر کی، تضییقلرله بیر شئی ائدیله بیلمهیهجک. دیپلماسینی، قارشیلیقلی راضیلاشمانی قبول ائدریک، اما تضییقله بیر شئیی قبول ائتمییمیز غیری -مومکوندور. آوروپا بیرلیگی اؤلکهلری اؤز ایچلرینده ایستاندارتلاریندان گئری آددیم آتسالار بئله، بیز ایستاندارتلاریمیزدا ان یوخارییا آددیم آتاجاغیق" دئیه بیلدیریب.
چیخیشیندا آوروپا بیرلیگی ایله علاقهلره ده توخونان چاووش اوغلو، "آوروپا بیرلیگی ایله ویزا رژیمینین لغوی ایله علاقهدار اونلارین آددیم آتمالارینی گؤزلییریک. بیز ده آوروپا اؤلکهلری قدر ائو صاحیبییک. بو گون چتینلیکلری اولان عائله اولماسینا باخمایاراق، آوروپا بیزیم ده عائلهمیزدیر" دئییب.