اردوغان، تورکیه آمریکانین تهدید دیلینه جیدی یاناشمادیغینی سؤیله‌دی
طیب اردوغان باشکند آنکارادا ژورنالیست‌لره، آمریکا ایله یاشانان، ائو حبسینده اولان آمریکا‌لی کشیش آندرو برونسون گرگین‌لیگینه دایر بیانات‌لار وئردی
تورکیه جمهور باشقانی رجب طیب اردوغان، تورکیه‌نین تهدید دیلینه جیدی یاناشمادیغینی سؤیله‌دی.
پرزیدنت و عدالت قالخینما(آک) پارتیسی‌نین صدری رجب طیب اردوغان باشکند آنکارادا ژورنالیست‌لره، آمریکا ایله یاشانان، ائو حبسینده اولان آمریکا‌لی کشیش آندرو برونسون گرگین‌لیگینه دایر بیانات‌لار وئردی.
آمریکانین تحریم تهدیدینه هر جور جوابین، اوّلکی گون میللی امنیت شوراسی‌نین بیاناتیندا دئدیگینی ایفاده ائدن اردوغان، بون‌لاری قئید ائتدی:
بیزه بئله حده ایفاده‌لری ایله یاخینلاشما، هئچ کیمه بیر شئی قازاندیرماز. بیز بو گونه قدر آمریکا ایله ناتودا ان گؤزل همرای‌لییه اورتایا قویدوق، کوره ده اونلارلا برابر اولدوق، اونلارلا بیرلیکده بیر چوخ موباریزه وئردیک. هله ده ناتودا ان یوکسک سویه‌ده همرای‌لیگه اورتایا قویان تورکیه‌یه بئله بیر تهدید دیلی ایشلتمک یاراشماز. بئله بیر تهدید دیلینه ده قوصورا باخماسین‌لار بیر باج وئرمریک".
دینی آزینلیق‌لار باره‌سینده ده آچیقلاما ائدن اردوغان،تورکیه نین دینی آزینلیق‌لارا قارشی ان کیچیک بیر پروبلمی اولمادیغینی قئید ائده‌رک،
اما آمریکانین قالخیب دا اوانجلیست، صهیونیست آنلاییشین بو جور بیر دیل ایستیفاده ائتمه‌سینی هئچ واخت قبول ائتمریک. آزادلیق‌دان، موستقیل‌لیک‌دن و محکمه موستقیللیگین‌دن گذشت وئرمه‌دن یولا داوام ائدجگیک." دئیه دانیشدی.
ایزمیرده موحاکیمه اولونان و جاسوسلوغا یاناشی، هم فتح الله چی ترور تشکیلاتی قوروجولوغو هم ده پ.ک.ک آدین‌دان جینایت تؤرتمکده گوناهلان‌دیران برونسون ون 35 ایله قدر حبسی طلب اولونور.
تخمینن 2 ایل حبس‌خانادا ساخلانیلان برونسون اوچون 25 ژوئیه ده ائو حبسی قراری چیخمیش، برونسونون وکیل‌لری‌نین ائو حبسی اوچون ائتدیک‌لری اعتراض دونن محکمه طرفین‌دن رد ائدیلمیشدی.
آمریکا، برونسونون سربست بوراخیلماماسی حالیندا تورکیه‌یه تحریم ایجرا ائده جگینی آچیقلامیشدی.
پرزیدنت اردوغان، حککاریده عسگر حیات یولداشی و 11 آیلیق کؤرپه‌نین وفاتی ایله نتیجه‌لنن بؤلوچو ترور تشکیلاتی پ.ک.ک-نین سالدیریسینا دایر ده بون‌لاری دئدی:
26 یاشین‌داکی بیر آنانین، 11 آیلیق بیر کؤرپه‌نین بون‌لار (پ.ک.ک) طرفین‌دن شهید ائدیلمه‌سین‌دن داها بؤیوک نه اولابیلیر؟ تعریفسه تعریف، هر شئی چوخ آچیق، آیدین. اونلارلا یاناشی، اونلاری (بؤلوچو ترور تشکیلاتینین سیاسی دستکچی‌سی خالق‌لارین دموکراتیک پارتی‌سی) پارلامنتویا گؤندرمه تلاشی ایچری‌سینده اولان‌لارا دا ان گؤزل جاواب‌دیر".
