تورکیه سوریه-ده تؤره‌دیلن ترور هوجومونو قینادی

تورکیه ترور تشکیلاتی داعش-ین سوریه-نین سویده ویلایتینده تؤرتدیگی و خیلی سایدا آدامین هلاکینا سبب اولان ترور هوجوم‌لارینی سرت شکیلده قینادی.

خاریجی ایشلر ناظیرلیگی‌نین آچیقلاماسیندا بیلدیریلیب کی، داعش-لا موباریزه عذره اولوسلار آراسی کوالیسیونون  عضوو اولان تورکیه باشدا داعش و پ.کا.کا/کا.ج.کا/پ.ی.د-ی.پ.گ اولماقلا سوریه-ده سیغینا‌جاق تاپان ترور تشکیلات‌لاری ایله موباریزه‌ده قطعی قرارلی‌دیر. بونو "فرات قالخانی" و "زیتون دالی" عملیات‌لاری ایله ثبوتا یئتیردی. سوریه-دن منبع‌لنن ترورون کؤکونون کسیلمه‌سی ترور تشکیلات‌لاری‌نین اورتایا چیخماسینا سبب اولان شرط‌لره سون قویولماسی ایله مومکون اولا بیله‌جک‌دیر.

قئید ائدک کی، سوریه-نین جنوب-شرقینده بشار اسد رژیمی‌نین نظارتیندکی سویده شهری‌نین مرکزینده ترور تشکیلاتی داعش طرفیندن ائدیلن هوجومدا 150-یه یاخین آدام حیاتینی ایتیردی.