ت.ر.ت اکیپی یونانیستاندا توتوخلانیب
یونانیستاندا یئرلشن ت.ر.ت قروپونون، یونان امنیت گوجلری طرفیندن توتوخلاناراق، 3.5 ساعت ده ده آغاچ پولیس ایدارهسینده ساخلانیلیب
یونانیستاندا یئرلشن ت.ر.ت قروپونون، یونان امنیت گوجلری طرفیندن توتوخلاناراق، 3.5 ساعت ده ده آغاچ پولیس ایدارهسینده ساخلانیلیب.
ت.ر.ت موخبیری فاتیح سابونچو، ت.ر.ت کامرامانی اوفوق قاراگول و نقلیات ایشچیسی متن تالو-دان عبارت اکیب، آلکساندروپولیس (ده ده آغاچ) هاوا لیمانی یاخینلیغیندا 15 ژوئیه یایینلاری اوچون جانلی یاییم تستی ائتدیکدن سونرا رسمی نؤمرهلی ماشینلاری قالدیقلاری اوتله قاییتدیقلاری زامان پولیس طرفیندن ماشینلاری دایاندیریلاراق، ساخلانیلیب.
اوزریلرینده اولان تلفون، پول کیفی هویت کیملیغی کیمی اشیالارینا پولیسلر طرفیندن ال قویولان ایکیپ، سؤوق ائدیلدیکلری دهده آغاچ پولیس ایدارهسینده 3.5 ساعت ساخلانیلدیقدان سونرا سربست بوراخیلدی.
ت.ر.ت موخبیری فاتیح صابونچو، یونان امنیت گوجلری طرفیندن هئچ بیر سبب گؤستریلمهدن آغیر بیر شکیلده نظارته آلیندیقلارینی، 3.5 ساعت عرضینده هر هانسی بیر سورغو-سوال ائدیلمهدن پولیس مرکزینده ساخلادیقلارینی دئییب.
تورک تلویزیون اکیپینه توتوخلانماسی حادثهنین اؤیرنیلمهسیندن سونرا، آرالاریندا غربی تراکیا تورک آزینلیغی مشورت شوراسینین صدری و سئچیلمیش گومولجینه موفتیسی ایبراهیم شریفین ده یئرلشدیگی آزینلیق ایرهلی گلنلری ت.ر.ت اکیپی قالدیقلاری اوتلده زیارت ائدهرک، کئچمیش اولسون دیلگینده اولوب.