چئوریلیش گیریشیمینین ایلدؤنومونده تورکیه دیم دیک آیاقدا
"تورک خالقی اولاراق بیز، بیر آرایا گلدیک و میلت اولاراق یئنی‌دن آیاغا قالخدیق"
جمهورباشقانلیغی سؤزچوسو سایین ابراهیم قالین‌ین دیلی صاباح قزئتین‌ده یاییملانان ۱۴.۰۷.۲۰۱۸ تاریخ‌لی مقاله‌سی‌دیر.۱۵ ژوئیه گئجه‌سی کئچیریله‌ن منفور هوجوم‌دان ایکی ایل سونرا، تورکیه، یئنی حکومت سیستمی ایله داها گوج‌لو، داها دایانیقلی و داها تأثیرلی اولماغا داوام ائدیر.
بو هفته سونو، تورکیه‌ده ۱۵ ژوئیه ۲۰۱۶دا باش وئره‌ن دؤولت چئوریلیشی جهدینین ایکینجی ایلی اولاجاق. فتح‌الله گولن و اونا باغلی ترور هؤرگوتو، رسمی اولاراق گولنچی ترور قروپو (فئتؤ) کیمی تانینانلار طرفین‌دن ائدیله‌ن بو هوجوم ۲۵۰ نفرین حیاتینا مال اولارکه‌ن، ۲۰۰۰دن آرتیق اینسانی دا یارالی قویدو.
بیر نئچه ساعت عرضین‌ده، پرئزیدئنت کومپلئک‌سی، پارلامئنت بیناسی و پلیس ایله میلی کشفیات تشکیلاتی مرکزلرینین ده داخیل اولدوغو تورکیه‌نین ایستراتژیک اهمیتده‌کی قوروملاری، عادتا بیر ایشغال گوجو گؤرونومون‌ده اورتایا چیخانلارین سالدیریسینا معروض قالدی. دموکراسی دوشمه‌نلرینه قارشی الده ائتدییمیز غلبه‌میزدن سونرا، بئله بیر فاجعه‌نین بیر داها هئچ واخت باش وئرمه‌مه‌سینی تامین ائتمک، چتین اما حیاتی بیر وظیفه ایدی. بو معنادا، گئری‌ده قویدوغوموز سون ایکی ایل، اؤلکه‌میزین آلوولا ایمتاحان ائدیلدیگی چتین سیناقدی.
او طالع گئجه‌سین‌ده، میلیونلارلا تورک، میللتین منفعتی اوچون اؤز حیاتلارینی ریسکه آتاراق تاریخ یازدی. فرق‌لی ائتنیک، سیاسی و مده‌نی کئچمیشلردن گلن، آزاد وطنداشلار اولاراق، هامی بیرلیک‌ده موباریزه آپاراراق چئوریلیشچیلری داغیتدیق. گله‌جک نسیللرین تاریخی بیر آن کیمی خاطیرلایاجاغی اؤیونمه دولو بیر گون‌دو. تورکیه، ۱۵ ژوئیه خاین دؤولت چئوریلیشی جهدینین شوکونو، دؤولت باشقانی رجب طیب اردوغانین گوج‌لو لیدئرلیگی، تورک خالقینین دموکراسییه اولان باغلی‌لیغی و اؤلکه‌میز قوروملارینین قوتی سایه‌سین‌ده کئچدی. اوغورسوز چئوریلیشدن قیسا بیر مدت سونرا، باش وئره‌نلری بوتون طرفلری ایله آچیغا چیخارماق و تورک دموکراسیسینه یؤنه‌لیک گله‌جک‌ده کئچیریلمه‌سی مومکون هوجوملارین قارشی‌سینی آلماق اوچون اؤلکه‌ده فؤوق‌ا‌لعاده حال اعلان ائدیلدی. آرادان کئچه‌ن ایکی ایلده‌ن سونرا، فؤوق‌ا‌لعاده حال، پرزیدنتیمیزین -توپلام سسلرین یوزده ۵۲،۶سینی آلاراق یئنی‌دن سئچیلمه‌سینی قوتلندیردیگی- ۲۴ ژوئن سئچیملری عرفه‌سین‌ده سؤز وئردیگی کیمی، قارشی‌داکی هفته قالدیریلاجاق. اگر ۱۵ ژوئیه دؤولت چئوریلیشی جهدی، داها ضعیف قوروملارا و داها آز دموکراتیک مدنیته مالیک بیر اؤلکه‌ده باش وئرسیدی، او اؤلکه‌نین اقتصادی او دقیقه، او آن چؤکردی. سیاست ریلیندن چیخار و اجتماعی باریش ریسک آلتینا گیرردی. بو باخیم‌دان، بو گون ایله تورک دموکراسیسینه ائدیله‌ن او قان‌لی هوجومون باش وئردیی گون آراسیندا میدانا گلن هر بیر حادثه، باش وئره‌ن هر بیر شئی، تورکیه‌نین بیر اؤلکه کیمی درایتینی و اؤزونه گلمه گوجونو اورتایا قویوب ثبوت ائتدیگی اوچون قایغی و دقتله تحلیل ائدیلمه‌لی‌دیر.
اؤلکه‌میز، باش وئره‌ن دؤولت چئوریلیشی جهدینه باخمایاراق، اوچ ترور هؤرگوتو ایله عینی آندا ساواشان، پ‌کاکایا آغیر ایتکیلر وئره‌ن و سوریه‌ده‌کی داعش مؤوضعلرینه قارشی اوغورلو بیر قورو عملیاتی ائدن تک ناتو متفیقی اولموشدور. نتیجه اولاراق، دسامبر ۲۰۱۶دان بری تورکیه‌ده بؤیوک ترور ائیلمی باش وئرممیش‌دیر. هر شئیه باخمایاراق، تورکیه اقتصادی ۲۰۱۷.جی ایلده دونیانین ان سرعتله بؤیویه‌ن اقتصادی حالینا گلمیش و یوز مینلرله یئنی استخدام یاراتمیش‌دیر. یئنه عینی دؤورده، آنایاسا رفراندومو، جمهورباشقانلیغی و پارلمان سئچیملری هر هانسی بیر پروبلئم باش وئرمه‌دن گئچیریلدی. بوتون بونلار اولارکه‌ن، سیاسی تشکیلاتلاریمیز و توپلومسال باریشیمیز بو پروسه‌دن ساغ چیخدی.
اؤتن ایکی ایل عرضین‌ده، تورکیه‌نین یئنی بیر چئوریلیش جهدی تهدیدینی آرادان قالدیرماق اوچون گؤستردیگی سون درجه آغلاباتان سعیلر، باتی‌لی مئدیا منسوبلاری طرفین‌دن باغلامین‌دان قوپاردیلدی و بو حال فعلی حقیقتلر ایله بو حقیقتلرین مئدیادا یئر آلیشی آراسیندا بؤیوک بیر اوچورام یاراتدی. حقیقت‌ده اولان ایسه، دموکراسیمیزی ان جدی تهدیدلره قارشی قوروماق اوچون اینکیشاف ائتدیریله‌ن آنایاسال بیر مکانیزم اولان فؤوق‌ا‌لعاده حالین عادی وطنداشلارین گونده‌لیک حیاتلارینا تأثیر گؤسترمه‌مه‌سی‌دیر. حتی انایاسانین حکومته فؤوق‌ا‌لعاده حال باغلامیندا وئردیگی بیر چوخ صلاحیت هئچ واخت ایستیفاده ائدیلممیش‌دیر. تورکیه، سرمایه کنترلونا گئتممیش و یورد ایچی و دیشی سیاحتلره محدودیتلر گتیرممیش‌دیر.
عمومی سئچیملر و ۲۰۱۷ آنایاسا رفراندومو عرفه‌سین‌ده، بیر چوخ فرق‌لی سیاسی پارتی هر هانسی بیر محدودیت ایله قارشیلاشمادان تبلیغات آپاردی. نتیجه‌ده، تورک خالقی اولاراق بیز، بیر آرایا گلدیک و میلت اولاراق یئنی‌دن آیاغا قالخدیق. هئچ بیر شئی بو گئرچیی دییش‌دیرمه‌یه‌جک. بو گون، دوروست و چالیشقان تورک اینسانینین قلبینی و عاغلینی اله کئچیرمک اوچون گولنچیلر طرفین‌دن ائدیله‌ن باسقین تامامیله سونا چاتمیش‌دیر. فئتؤنون، اؤلکه‌میزین دؤولت اورگانلاری و سیول توپلوم اوزرین‌ده‌کی محاصره‌سینی قیرمیش وضعیتده‌ییک.
بوتون بونلارلا ائش زامان‌لی اولاراق، بو تروریست قروپون، دونیانین دؤرد بیر طرفین‌ده‌کی اینسانلاری تحصیل پرده‌سی آلتین‌دا زهرله‌مه سعیلرینین قارشی‌سینی آلماق اوچون آددیملار آتدیق. اؤزللیکله، تورک معاریف وقفی، اؤلکه‌میزین خاریج‌ده‌کی اوخوللارینی گئری آلماق و اؤلکه‌میزین بیر اومود ایشیغی اولاراق قالماغا داوام ائتمه‌سی اوچون خاریج‌ده یئنی تحصیل مو‌سسه‌لری یاراتماقلا گؤره‌ولندیریلمیش‌دیر. بون‌دان باشقا، خاریجی حکومتلر، تورکیه‌نین بو مسئله‌یه نه قدر جدی یاناشدیغینا و گوله‌ن ایله خدمتکارلارینین فعالیت گؤستردیکلری اؤلکه‌لرین تهلوکسیزلیینی هانسی یوللارلا ریسک آلتینا سالدیغینا دایر داها دقیق بیر آنلاییشا صاحب اولموشلار. سون اولاراق طبیعی کی، ۱۵ ژوئیه دؤولت چئوریلیشی جهدینین سوچلولارینی عداتله تسلیم ائتمک چابالاریمیز عزمله داوام ائد‌جک‌دیر.
