چاووش اوغلو کپنهاگ-دا

خاریجی ایشلر ناظیری مولود چاووش اوغلو اوکراینا‌داکی اصلاحات پروسه‌سی‌نین ایستراتژی اهمیتی‌نین اولدوغونو سؤیله‌ییب.

چاووش اوغلو دانیمارکانین پایتاختی کپنهاک-دا کئچیریلن اولوسلار آراسی اوکراینا اصلاحات کنفرانسیندا ائتدیگی چیخیشدا تورکیه-‌نین اوکراینانین تورپاق بوتؤو‌لوگونه، اگمنلیگینه و اصلاحات پروسه‌سینه دستکینی وورغولاماق اوچون کپنهاگ-دا اولدوغونو بیلدیریب.

اوکراینانین حیاتا کئچیرجگی اصلاحات‌لارین اوغورونون هر کس اوچون ایستراتژی اهمیتی اولدوغونو قئید ائدن چاووش اوغلو دئییب کی، چونکی اوکراینانین آیاق‌لاری اوزرینده گوج‌لو شکیلده دورماسینی ایستییریک. اصلاحات پروسه سی اوغورلو اولمایاجاغی تقدیرده بو رئال‌لاشا بیلمز. گئنیش میقیاس‌لی اصلاحات‌لار تطبیق ائتمک هئچ واخت آسان اولماییب. بونو اوز اولکه مدن بیلیرم. بونونلا دا اصلاحات‌لارین اوغورسوز اولماسی بیر سئچیم اولمایاجاغی کیمی قیسمی نایلیت ده کیفایت ائتمز.

"مثبت جهت‌دن نظر سالساق اصلاحات پروسه‌سی‌نین آرخاسینداکی اساس گوج اوکراینا خالقی‌نین ایراده‌سی‌دیر. دیگر موسبت جهت ایسه حکومتین گذشته گئتمه‌سی‌دیر"دئین چاووش اوغلو اوکراینا‌داکی موجود ایداره‌نین عزملی اولدوغونو، دومباس و قیریم-دا باش وئرن‌لرین دوزلدیلمه‌سی‌نین اصلاحات‌لاردان و ریفاها قوووشموش اوکراینا‌دان آسیلی اولدوغونو وورغولاییب.