ایبراهیم قالین، غرب دونیاسی‌نین اونو هدف آلمایان ترور تشکیلات‌لارینی بسلدیگینی سؤیله‌دی

پرزیدنت سؤزچوسو ایبراهیم قالین، غرب دونیاسی‌نین اونو هدف آلمایان ترور تشکیلات‌لارینی بسلدیگینی سؤیله‌دی.

ایبراهیم قالین، قزئته خبرتورکه دانیشدی.

ترورلا موباریزه‌ده غرب اؤلکه‌لری‌نین تورکیه‌نین حساس‌لیق‌لارینی گؤز آردی ائدن بیر موقعیت ایچری‌سینده اولدوغونو وورغولایان قالین، "اؤز اؤلکه‌لرینده اوخشار تهدیدلر اورتایا چیخدیغی زامان هر جور تدبیری آلان و قانونو کئچیرمگی ائدن، آزادلیق‌لاری محدودلاش‌دیران غرب اؤلکه‌لری، تورکیه، عینی‌سینی ائدنده تورکیه اوتوریترلیکله، گوونلیکچی بیر پولیتیکا ایزلمکله اتهام ائدیر" دئدی.

تورکیه‌نین بؤلوچو ترور تشکیلات‌لاری پ.ک.ک، داعش و فتح الله‌چی ترور تشکیلاتی فئتؤ ایله موباریزه ائتمکده اولدوغونو بیل‌دیرن قالین، "بو مسئله‌ده بیز آنلاییش، قاوراییش و ایمپاتیا گؤزلیرکن، آوروپا‌لی‌لاردان تام عکسینه، بو تشکیلات‌لاری عادتن یوماغا یؤنلمیش بیر تلاشین نوماییش ائتدیردیگینی گؤروروک" ایفاده‌سینی ایستیفاده ائتدی.

غرب اؤلکه‌لری‌نین ترورلا موباریزه‌ده ایکی‌لی ایستاندارد اولدوغونو بیل‌دیرن قالین، "پ.ک.ک و فئتؤ غربی هدف آلمیر. اما داعش غربی هدف آلدیغی اوچون بیر نؤمره‌لی ترور تشکیلاتی اولا‌راق آدلاندیریلیر و اونا قارشی تدبیرلر گؤرور. پ.ک.ک-نین آوروپا‌داکی تشکیلاتلانماسینا باخدیغینیز زامان درنک و یا واقیف آدی آلتیندا بوتون قاپی‌لارین اونلارا آچیلدیغینی گؤرجکسینیز. آلمانیا، اینگیلتره، فرانسا علیهینه چالیشان و اونلاری هدف آلان ترور تشکیلاتی‌نین تورکیه‌ده فعالیت گؤسترمه‌سینه ایجازه وئریلسه، آوروپا‌لی‌لار نئجه اعتراض گؤستریر"؟ شکلینده دانیشدی.

تورکیه‌نین ترورلا موباریزه آرا وئرمدن داوام ائتدیردیگینی وورغولایان قالین، "عراقدا دا سوریه ساحه‌سینده ده آغیر شکیلده داوام ائدیر. عفریندکی عملیات هله ده داوام ائدیر. هیجانلی موناقیشه بیتدی، اما اورادا امنیتن تامین اولونماسی، عفریندن قاچان‌لارین ائولرینه قاییتما‌لاری ایله باغلی فعالیت جیددی شکیلده ده داوام ائدیر" دئدی.