مولود چاووش اوغلو امریکا-دا سفرده دیر
مولود چاووش اوغلو منبیچ ایله باغلی آچیقلاما وئریب.
تورکیهنین خاریجی ایشلر ناظیری مولود چاووش اوغلو امریکالی همکاری مایک پومپئو ایله کئچیرجگی گؤروشدن اول واشینگتن-دا تورک-امریکا میللی ایستیقامتلندیرمه کومیتهسی طرفیندن تشکیل ائدیلن ایفطار پروقرامیندا ایشتیراک ائدیب.
بورادا ژورنالیستلرین گوندمه دایر سواللارینی جاوابلاندیران مولود چاووش اوغلو دئییب: "منبیچ مسئله سینده راضیلیق الده ائتدیگیمیز زامان بونو حیاتا کئچیرمیه باشلایاجاغیق. بو ایکی طرفلی موناسیبتلرده دؤنوش نقطهسی اولا بیلر".
اس-400 راکت علیهینه مودافیه سیستمی مسئله سینه توخونان چاووش اوغلو بیلدیریب کی، اس-400 مسئله سینده امریکا ایله تورکیه آراسیندا بیر گرگینلیک وار. آنجاق بیز بو سیستمی اول امریکادان و متفیقلریمیزدن آلماق ایستهدیک. لاکین ساتمادیلار. بیز ده روسیادان آلماق مجبوریتینده قالدیق.
سوریه مسئله سینه ده توخونان مولود چاووش اوغلو دئییب: "بیز سوریه-ده سیاسی حلین الده اولونماسی اوچون سعی گؤستریریک. سوریه-نی بؤلمیه یؤنهلیک بوتون سعی لری رد ائدیریک".