تورکیه تپکی گؤستردی
"آمریکانین اویویلا وتو ائدیلمهسینی تأسفله قارشیلاییریق"
تورکیه، آمریکا فیلیسطینلیلرله باغلی بیرلشمیش میلتلر امنیت شوراسینا سونولان قرار لایحهسینی وتو ائتمهسینه تپکی گؤستردی.
خاریجی ایشلر باخانلیغیندان وئریلن یازیلی آچیقلامادا،
"غزهده ۱۴ میده باش وئرهن قتلعام سونراسی کویتین امنیت شوراسینا سوندوغو قرار تاساریسینین آمریکانین اویویلا وتو ائدیلمهسینی تأسفله قارشیلاییریق" ایفادهسی یئر آلدی.
امنیت شوراسینین فیلیسطینلیلره تطبیق اولونان شدت باغلامیندا حساب وئریلهبیلیرلیک و داشیندیریجیلیق تاسیس ائتمهده بیر داها ایشلهوسیز قالماسینا دقت چکن آچیقلاما، بیرلشمیش ملتلر اصلاحاتینین ارتهلنمز بیر ضرورت اولدوغو وورغولاندی.
آچیقلامادا،
"اولوسلارآراسی باریش، ثابتلیک و تهلوکسیزلیگین قورونماسیندا بیرینجیل درجهده صلاحیتلی و مسئول قوروم اولان امنیت شوراسیندا، دینج گؤستری حقاقیندان ایستیفاده ائدن گوناهسیز وطنداشلاری هدف آلان قتلعامین قینانماسینی عکس ائتدیرهن و بیرلشمیش ملتلر باش کاتیبینه ایشغال آلتیندا یاشایان فیلیسطینلیلرین گوونلیک، ساوونما و رفاهینین تامین اولونماسی اولوسلارآراسی قوروما مکانیزمی داخیل تکلیفلر وئرمه چاغیریشیندا اولان لایحهنین وتو ائدیلمهسینین ایضاحی یوخدور" ایفادهلری ایشلهتیلدی.
باخانلیق آچیقلاماسیندا آیریجا، تورکیهنین باشدا باش قورول اولماق اوزره بوتون پلاتفورملاردا فیلیسطین دعویسینین تعقیبچیسی اولماغی داوام ائتدیرجیی بیلدیریلدی.
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب