"ظلمه لعنت، قدسا دستک میتینگی"
بو گون ایستانبولدا پرزیدنت رجب طیب اردوغانین دعوتیله یئنیقاپیدا بؤیوک بیر میتینگ تشکیل اولوناجاق
بو گون "ظلمه لعنت، قدسا دستک میتینگی" اوچون یوز مینلر ایستانبول یئنیقاپیدا اولاجاق.
آمریکانین ۱۴ میده قدسده ائلچیلیک آچماسینا اعتراض ائتمک اوچون دینج گؤستری کئچیرهن فیلیسطینلیلره قارشی ایسراییل قتل عامینین آردیندان تورکیه حرکته گئچدی.
بو گون ایستانبولدا پرزیدنت رجب طیب اردوغانین دعوتیله یئنیقاپیدا بؤیوک بیر میتینگ تشکیل اولوناجاق.
یئنیقاپی میدانیندا گئچیریلهجک میتینگده، آخشام قدس گوندمی ایله اولاغان اوستو توپلاناجاق ایسلام امکداشلیق تشکیلاتینین ذیروهسینه قاتیلاجاق ایسلام اؤلکهلرینین لیدئرلری ده یئر آلاجاق.
بازار گونو ده دیاربکیردا میتینگلر گئچیریلهجک و میتینگلر سریسی داوام ائدجک.
یئنیقاپیداکی میتینگه پرزیدنت اردوغانین یانی سیرا، باشباخان بینعلی ییلدیریم و میلیتچی حرکت پارتیسی لیدئری باغچالی دا ایشتیراک ائدجک.
میتینگ اوچون شهر بلدیهسی اتوبوس، گمی و مترو علاوه سفرلری تشکیل ائدجک.
آیریجا ۵۰ مین نفرلیک افطار سوفرهسی ده ساحهده حاضر اولاجاق.
میتینگدن سونرا پرزیدنت اردوغانین باشقانی اولدوغو اسلام ایش بیرلیگی تشکیلاتی، قدس گوندمی اولاغان اوستو توپلاناجاق.
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر