اردوغان، روحانی و مرکل تلفونلا گؤروشدولر

تورکیه جمهور باشقانی رجب طیب اردوغان، فیلیسطین‌دکی سون حادثه‌لرله باغلی ایران پرزیدنتی حسن روحانی و آلمانیا باش ناظیری آنگلا مرکل ایله آیری-آیری تلفوندا گؤروشوب.

پرزیدنت قایناق‌لارین‌دان وئریلن معلوماتا گؤره، اردوغان-روحانی گؤروشمه‌سینده، آمریکانین تل-آویو‌دکی سفیرلیگینی قودسه داشیماسی و ایسرائیل عسگرلری‌نین غزّه‌ده فیلیسطین‌لی‌لری هدف آلماسی نتیجه‌سینده بؤلگه‌ده یاشانان گرگین‌لیک موذاکیره اولونوب.

ایسلام امکداش‌لیق تشکیلاتی‌نین جمعه گونو ایستانبولدا کئچیرجگی فوق ا‌لعاده توپلانتی‌نین موسلمان‌لارین اورتاق مموضع نوماییش ائتدیرمک باخیمین‌دان بؤیوک اهمیت داشیدیغینی قید ائدن ایکی لیدر، بیرلشمیش میللت‌لر نظرینده ده مسئله‌نین داوامچی‌سی اولا‌جاق‌لارینی وورغولاییب‌لار.

جمهورباشقانی اردوغان، آلمانیا باشباخانی مرکل ایله ده گؤروشوب.

گؤروشمه‌ده ایکی لیدر، آمریکا سفیرلیگینی قودسه داشیماسی و غزّه‌ده فیلیسطین‌لی‌لرین هدف آلینماسی نتیجه‌سینده باش وئرن گرگین‌لیک حاقیندا فیکیر موبادیله‌سی آپاریب.

اردوغانین ایسلام امکداش‌لیق تشکیلاتی‌نین جمعه گونو ایستانبولدا کئچیرجگی فوق ‌العاده ایجلاس حاقیندا معلومات موبادیله‌سینده اولدوغو گؤروشمه‌ده بین الخالق عالمین بیرلشمیش میللت‌لر نزدینده ده حادثه‌نین داوامچی‌سی اولماسی‌نین اهمیتینه ایشاره ائدیلیب.

گؤروشمه‌ده موجود لوحه‌نین پروبلمه حلّ اولماسینی چتینلشدیردیگی ده وورغولانیب.

ایکیطرف‌لی موناسیبت‌لره توخونان اردوغان و مرکل، گرک علاقه‌لره تکان وئریلمه‌سی، ایستر بؤلگه‌سل موضوعلاردا فیکیر موبادیله‌سی اوچون یاخین تماسدا اولما مسئله‌سینده راضی قالدی.