تورکیه یارا‌لی فیلیسطین‌لی‌لری معا‌لیجه ائتمه‌یه حاضیردیر

تورکیه ایسراییل-ین گولله لری ایله یارالانان فیلیسطین‌لی‌لری معالیجه ائتمه‌یه حاضیردیر.

ساغلیق ناظیری احمد دمیرجان تورکیه بؤیوک میللت مجلیسینده سوال‌لارا جاواب وئریب.

دمیرجان امریکانین اولوسلار آراسی اساس‌لاری پوزا‌راق سفیرلیگینی تل آویو-دن قودسه کؤچورمه‌سینه باریشچیل رئاکسیا گؤسترن فیلیسطین خالقی‌نین ایسرائیل طرفیندن سوی قیریما معروض بوراخیلدیغینی سؤیله‌ییب.

ایسراییل-ین اؤتن گون غزه-ده کی قتل عامیندا یارا‌لانان‌لارین تورکیه‌یه گتیریلمه‌سی اوچون تشببوس قالدیردیغینی بیلدیرن دمیرجان تورکیه‌دن داوا و یاخود طیبی لوازیمات طلب ائدیلجیی تقدیرده بون‌لاری دا گؤندره بیله‌جک‌لرینی وورغولاییب.

فیلیسطین‌لی‌لره یؤنلدیلمیش بؤیوک بیر سوی قیریمی حیاتا کئچیریلدیگینی، بیر قتل عام اولدوغونو ایفاده ائدن ناظیر دمیرجان دییب: "بیز ایستنیلدیگی زامان و زمینده، خصوصیله قیزیل آی جمعیتی واسطه‌سیله اینسان‌لارا خیدمت گؤسترمک اوچون حاضیریق. ساغلیق ناظیرلیگی اولا‌راق دا هر زامان اوزریمیزه دوشن کؤمک‌لیگی گؤسترمه‌یه حاضیریق.