امریکادا یاشایان تورک لرین سس وئرمه تاریخ لری بللی اولدو

امریکادا یاشایان تورکیه وطنداش‌لاری تورکیه‌-ده ژوئن‌ین 24-ده کئچیریله‌جک پرزیدنت و 27-جی دؤور میللت وکیلی سئچکی‌لری اوچون 9-17 ژوئن تاریخ‌لرینده سس وئره‌جک‌لر.

معلوماتی تورکیه‌نین واشینگتن سفیرلیگی یایدی.

معلوماتدا دئییلیر: "عالی سئچکی کمیسیونو پرزیدنت و 27-جی دؤور میللت وکیلی سئچکی‌لرینه دایر خاریجی نماینده‌لیک‌لریمیزدکی سس وئرمه تاریخ‌لرینی آچیقلامیش‌دیر. بونا اساساً، امریکادا قئیدیاتدا اولان وطنداش‌لاریمیز ایلکین مرحله سئچکی‌لرینده 9-17 ژوئن تاریخ‌لرینده، 9 گون عرضینده سحر ساعت 09.00-دان آخشام ساعت 21.00--ا قدر واشینگتن سفیرلیگیمیزده، بوستون، هیوستون، لوس-آنجلس، میامی، نیویورک و شیکاگو باش کونسوللوق‌لاریمیزدا سس وئره بیله‌جک‌لر. پرزیدنت سئچکی‌لری‌نین ایکینجی مرحله‌یه قالماسی حالیندا ایسه، سئچیجی‌لر 30 ژوئن - 4 ژوئیه تاریخ‌لرینده 09.00-21.00 ساعت‌لاریندا سس وئره بیله‌جک‌لر".

قئید ائدک کی، امریکادا 100 مین‌دن چوخ تورکیه‌لی سئچیجی یاشاییر و بون‌لارین تخمینن 38 مینی نیویورک بؤلگه‌سینده قئیدیاتدا‌دیر.