تورکیه جمهور باشقانی رجب طیب اردوغان بو گون اؤزبکیستانا گئدیر

تورکیه جمهور باشقانی رجب طیب اردوغان، اؤزبکیستان جمهورباشقانی شوکت میرضیایئوین دعوتینه ایله، بو گون بو اولکه‌یه گئدیر.

پرزیدنت مطبوعات مرکزین‌دن وئریلن معلوماتا گؤره، 29 نیسان-1 می تاریخ‌لری آراسیندا باش توتا‌جاق سفر زامانی کئچیریله‌جک گؤروشمه‌لرده، اؤزبکیستان ایله موناسیبت‌لرین داها یوکسک مرحله‌یه قالدیریلماسی اوچون آتیلا‌جاق آددیم‌لار مذاکیره اولونا‌جاق و بؤلگه‌سل پروسه‌لره دایر فیکیر موبادیله‌سی آپاریلا‌جاق.

پرزیدنت اردوغان، داشکند پروقرامی چرچیوه‌سینده اؤزبکیستان عالی مجلیسینه خیطاب ائده‌جک، داها سونرا پرزیدنت میرضیایئو ایله تورک و اؤزبک ایش اینسان‌لاری‌نین قاتیلیمی ایله کئچیریله‌جک ایش فوروموندا یئر آلاجاق.

اردوغان، 1 می‌ده تورک-ایسلام مدنیتی‌نین قدیم شهرلرین‌دن عالیم‌لر و موتفککیرلر دیاری بوخارادا دا تماس و اینجه‌لمه‌لرائده‌جک.

پرزیدنت اردوغان، اؤزبکیستان تماس‌لاری‌نین آردیندان2-3 می تاریخ‌لرینده ایسه جنوبی کوره دولت باشقانی مون جائه دعوتینه ایجابتله، بو اؤلکه‌یه رسمی بیر سفر گرچکلشدیره‌جک.

جنوبی کوره سفری زامانی کئچیریله‌جک گؤروشمه‌لرده ایکیطرف‌لی موناسیبت‌لرله یاناشی، بؤلگه‌سل و اولوسلار آراسی قونولار ائله آلیناجاق.