تورکیه یانکرین آچیقلامارینا رئاکسیا گوستردی

خاریجی ایشلر ناظیرلیگی آوروپا بیرلیگی کومیسیونونون صدری ژان کلود یانکرین یونانیستان‌داکی آچیقلاما‌لارینا جاواب وئردی.

ناظیرلیگین آچیقلاماسیندا دئییلیب: " آوروپا بیرلیگی کومیسیونونون صدری ژان کلود یانکرین آوریلین 26-دا یونانیستان پارلامنتین‌دکی چیخیشیندا اؤلکه‌میزی علاقه‌دار ائدن موضوع لاردا "بیرلیک دایانیشماسی" پرده‌سی آرخاسیندا، اونون صلاحیتینده اولمایان قرارلارا گلیر. اژه و آک دنیز ایله علاقه‌لی روم-یونان تئز‌لرینه اساس‌لی بو آچیقلامالا آوروپا بیرلیگی مسئول‌لاری اونلارا اولان اعتمادی ایتیرمکده داوام ائدیرلر. جدی‌لیگی و حقوقی اساسی اولمایان بو آچیقلاما‌لاری رد ائدیریک".

ناظیرلیگین آچیقلاماسیندا یونکرین محکوم توتولان ایکی یونان عسگر ایله علاقه‌لی شرح‌لرین ده "ایکی‌لی ایستاندارت" اولدوغو بیلدیریلیب.

"یونکئرین آیریجا اؤلکه‌میزده محکوم توتولان ایکی یونان عسگری‌نین "موطلق آزاد بوراخیلما‌لاری باره‌دکی آچیقلاماسینی دا حیرتله قارشیلاییریق. تورکیه‌نین قانون‌لارینی پوزان یونان عسگرلری‌نین موستقیل محکمه قارشی‌سیندا هر هانسی ایمتیازی یوخ‌دور. ایستدیگی زامان حقوق دؤولتینی خاطیرلا‌دان، منفتینه اویغون اولدوقدا ایسه داوام ائدن محکمه پروسئسینه موداخیله معناسی داشییان آچیقلاما‌لاردان ایمتینا ائتمه‌ین بو ایکی‌لی ایستانداردی قیناییریق" –دئیه خاریجی ایشلر ناظیرلیگی‌نین آچیقلاماسیندا قئید ائدیلیب.