جمهور باشقانی اردوغان الجزایرلی همکارینا باش ساغلیغی وئردی
اردوغان مکتوبوندا حربی اوچاغین قضایا اوغراماسی نتیجهسینده هلاک اولانلارا گؤره درین کدر دویدوغونو دیله گتیریب.
جمهور باشقانی رجب طیب اردوغان الجزایر-ده حربی اوچاغین قضایا اوغراماسی نتیجهسینده حیاتینی ایتیرنلره گؤره بو اؤلکهنین جمهور باشقانی عبدالعزیز بوتفلیقه-یا باش ساغلیغی مکتوبو گوندردی.
اردوغان مکتوبوندا حربی اوچاغین قضایا اوغراماسی نتیجهسینده هلاک اولانلارا گؤره درین کدر دویدوغونو دیله گتیریب.
جمهور باشقانی بو دهشتلی حادثه قارشیسیندا احتیاج دویاجاغی تقدیرده الجزایرلی قارداشلاریمیزا هر ساحهده دستک اولماغا حاضر اولدوغونو بیلدیریب.
تورکیه اولاراق الجزایرلیلرین کدرینی بؤلوشدوکلرینی وورغولایان اردوغان "حیاتینی ایتیرنلره اللهدان رحمت و کدرلی عائلهلرینه صبر دیلییر، ذات عالی دؤولتلری، عزیز قارداشیم ایله دوست و قارداش الجزایر خالقینا درین حزن ایله باش ساغلیغی دیلییرم" دئییب.
تورکیه خاریجی ایشلر ناظیرلیگی ده باش ساغلیغی مئساژی یاییملادی: الجزایرده حربی اوچاغین قضایا اوغراماسی نتیجهسینده 250 -دن آرتیق اینسانین حیاتینی ایتیردیگینی درین کدرله اؤیرنیلدی. مرحوم لارا اللهدان رحمت، یاخینلارینا باش ساغلیغی دیلییر، دوست الجزایر حکومتی و قارداش الجزایر خالقینین کدرینی بؤلوشوروک.
قئید ائدک کی، دونن بو اؤلکهده بووفریک حربی بازاسینان بشار ویلایتینه اوچماق اوچون قالخان یوک اوچاغینین قضایا اوغراماسی نتیجهسینده 257 نفر حیاتینی ایتیرمیشدی.