روسیادا یانغیندا اؤلنلرین خاطرهسی آنکارادا آنیلیر
آنکارا ساکینلری روسیانین آنکاراداکی سفیرلیگینین اؤنونه گول دستهلری و اویونجاقلار قویورلار.
939358
آنکارا ساکینلری روسیانین کمروو ویلایتیندکی "قیش آلبالیسی" تیجارت-ایلنجه مرکزینده باش وئرمیش یانغیندا چوخ سایلی اینسان تلفاتی ایله علاقهدار باش ساغلیغی علامتی اولاراق روسیانین آنکاراداکی سفیرلیگینین اؤنونه گول دستهلری و اویونجاقلار قویورلار.
قئید ائدک کی، مارسین 25-ده روسیانین کمروو شهرینده یئرلشن "قیش آلبالیسی" تیجارت-ایلنجه مرکزینده یانغین باش وئریب. آلوو بینانین سونونجو مرتبهسینده، سینما سالون لارین اولدوغو اراضیده قئیده آلینیب. بازار گونو اولدوغوندان بورادا چوخ سایدا اوشاق اولوب.
سون معلوماتا گؤره، یانغین نتیجهسینده 64 نفر حیاتینی ایتیریب، اونلاردان 41-ی اوشاقدیر.