تورکیه 18 مارس سازیشینین ایکینجی ایلدؤنومونو موناسیبتیله بیانات یایدی
تورکیهنین آوروپا بیرلیگی عذره ناظیرلیگی تورکیه ایله آوروپا بیرلیگی آراسینداکی قاچقینلارین کؤچو ایله باغلی موختلیف ساحهلرده امکداشلیغین اؤنملی مرحلهلریندن بیری اولان 18 مارس سازیشینین ایکینجی ایلدؤنومونو موناسیبتیله بیانات یایدی.
تورکیهنین آوروپا بیرلیگی عذره ناظیرلیگی تورکیه ایله آوروپا بیرلیگی آراسینداکی قاچقینلارین کؤچو ایله باغلی موختلیف ساحهلرده امکداشلیغین اؤنملی مرحلهلریندن بیری اولان 18 مارس سازیشینین ایکینجی ایلدؤنومونو موناسیبتیله بیانات یایدی.
ناظیرلیگین تویتر حسابیندا یئر توتان بیاناتدا بیلدیریلیب کی، 18 مارس سازیشی هم آوروپانی بحرانا آپاران نیظامسیز کؤچ آخینینین قارشیسینی آلدی هم ده یوللاردا اؤلن قاچقین سایینین جدی معنادا آزالماسینی تامین ائتدی. بو سازیش سایهسینده 2015-جی ایلین اوکتیابر آییندا تورکیهدن یونانیستان آدالارینا بیر گون عرضینده گئدن 7 مین قاچقین سایی 43-ا دوشموشدور. ذیروه ییغینجاغیندا قبول ائدیلن قرارلارین حیاتا کئچیریلمه سی نتیجهسینده کوچمنلر اوچون اوچون تهلوکهسیز و قانونی یول تامین ائدیلمیش، نیظامسیز کؤچون قارشیسی آلینمیشدیر. تورکیه همین سازیشله وئردیگی وعدلره عمل ائتمیش و مسئولیتلرینی یئرینه یئتیرمیشدیر. تأسف کی، آوروپا بیرلیگی اوزرینه گؤتوردوگو مسئولیتلرینی یئرینه یئتیرمهدی. سوریه-لی قاچقین لارین قانونی یوللارلا سیاحت ائتمهسینه ایمکان یاراداجاق "کؤنوللو یئنیدن یئرلشدیرمه پلانی"نین حیاتا کئچیریلمهسی گؤزلنیلیر.
بیاناتدا قاچقینلارلا علاقهلی مالیه ایمکانلاری موضوع سوندا آتیلان سون آدیملارین مثبت قارشیلاندیغی، آنجاق کیفایت سویهده اولمادیغی قئید ائدیلیب و تورک وطنداشلارینا تطبیق ائدیلن ویزا رژیمینه سون قویولماسی ایله گؤمروک بیرلیگینین گونجللنمهسی بارهده ده بیرلیگدن کونکرئت آدیملار آتماسینین گؤزلنیلدیگی ایفاده ائدیلیب.