تورکیه-آمریکا منبیچ گؤروشمهسی ارتلندی
چاووش اوغلونون سفرینده خصوصیله بؤلوچو ترور تشکیلاتی پ.ک.ک-نین سوریه داوامی پ.ی.د-ی.پ.گ-نین ایشغال ائتدیگی منبیچ بؤلگهسینی بوشالدماسی مسئلهسینین گوندمه گلمهسی گؤزلنیلیردی
![تورکیه-آمریکا منبیچ گؤروشمهسی ارتلندی](http://cdn.trt.net.tr/images/xlarge/rectangle/c984/205d/10ea/5a895ddc2003a.jpg?time=1718994474)
خاریجی ایشلر ناظیری مولود چاووش اوغلونون 19 مارسدا ائدجگی آمریکا سفری تاخیره سالینیب.
چاووش اوغلونون سفرینده خصوصیله بؤلوچو ترور تشکیلاتی پ.ک.ک-نین سوریه داوامی پ.ی.د-ی.پ.گ-نین ایشغال ائتدیگی منبیچ بؤلگهسینی بوشالدماسی مسئلهسینین گوندمه گلمهسی گؤزلنیلیردی.
خاریجی ایشلر ناظیرلیگینین سؤزچوسو حمید آکسوی گؤروشمهنین تاخیره سالیندیغینی بیلدیریب.
تورکیه ایله آمریکا آراسیندا فتح اللهچی ترور تشکیلاتی ایله موباریزه، عراق و سوریه موضوعلاریندا دانیشیقلار آپاریلماسی اوچون اوچ تکنیک کومیته یارادیلمیشدیر. بونلاردان سوریه کومیتهسینین ایلک ایجلاسی، قیسا مدت اوّل آمریکادا آپاریلمیشدی.
چاووش اوغلو، روسیا خاریجی ایشلر ناظیری سئرگئی لاوروو ایله دونن روسیانین پایتختی موسکوادا کئچیریلن روسیا-تورکیه 6-جی بیرگه ایستراتژیک پلانلاشدیرما قروپونون (اوسپگ) توپلانتیسیندا بیر آرایا گلمیش و "19وندا واشینگتوندا گؤروشوموز اولاجاقدی، اما ایندی آمریکا خاریجی ایشلر ناظیری رکس تیلرسون وظیفهدن آیریلدیغی اوچون بو گئجیکدیریلهبیلیر. نه ائدجگیمیزی گؤروشوروک" دئمیشدی.
آمریکا پرزیدنتی دونالد ترامپ، ایکی گون اؤنجه توئیتر حسابیندان، آمریکا خاریجی ایشلر ناظیری رکس تیلرسونون یئرینه مرکزی کشفیات تشکیلاتی مکی دیرکتورو مایک پومپئونو، و پومپئونون یئرینه ایسه جینا چری هاسپل-ی گؤندردیگینی آچیقلامیشدی.
ترامپ، رکس تیلرسونی خاریجی ایشلر ناظیرلیگی وظیفهسیندن آلماق قرارینی اؤزو وئردیگینی بیلدیرهرک ایران ایله آپاریلان نوکلئر موقاویله مسئلهسینده تیلرسون ایله فرقلی دوشوندوکلرینی وورغولامیشدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1718994475)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1718994475)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی