بو گون 12 مارس، ایستیقلال مارشی‌نین قبولونون ایلدؤنومودور
بو گون ایستیقلال مارشی‌نین قبولونون 97-جی ایلدؤنومودور.
تورکیه بؤیوک میللت مجلیسی‌نین صدری ایسماعیل کاهرامان ایستیقلال مارشی‌نین قبولونون ایلدؤنومو موناسیبتیله مئساژ یایدی.
کاهرامان مئساژیندا: "دالغا‌لانان آل بایراغیمیزین سس‌لی مانیفستی اولان ایستیقلال مارشیمیزین ابدی اولا‌راق دیلیمیزدن دوشمه‌مه‌سینی و کؤنلوموزده قالماسینیی آرزو ائدیرم" دئدی.
کاهرامان مهمد آکیف ارسویون یاشادیغی دؤورده دونیا‌داکی بوتون مسلمان‌لارین اورک‌لری‌نین بیر دؤیونمه‌سی اوچون موباریزه آپاردیغینی، مسلمان‌لارین بیرلیگینه و قارداش‌لیغینا اولان اینانجینی عومور بویو محافظه ائده‌رک ایستیقلال مارشیندا دا بو اینانجینی ان گوزل ایفاده‌لرله دیله گتیردیگینی قئید ائتدی.
تورکیه بؤیوک میللت مجلیسی‌نین صدری: "ایستیقلالیمیزین بانی‌سی ایستیقبالیمیزین تمیناتچی‌سی اولان بوتون شهیدلریمیزی و غازی‌لریمیزی رحمت و میننتدارلیق حیسی ایله یاد ائدیر، الله‌دان عزیز میللتیمیزه بیر داها ایستیقلال مارشی یازدیرماماسینی نیاز ائدیرم" ایفاده‌لرینی ایشلتدی.
