تورکیه، روسیا و ایرانین خاریجی ایشلر ناظلری آستانادا گؤروشهجکلر
تورکیه، روسیا و ایرانین خاریجی ایشلر ناظیرلری، مارس آیینین 16-ده قازاخیستانین پایتاختی آستانادا توپلاشاجاقلار.
تورکیه، روسیا و ایرانین خاریجی ایشلر ناظیرلری، مارس آیینین 16-ده قازاخیستانین پایتاختی آستانادا توپلاشاجاقلار.
قازاخیستانین خاریجی ایشلر ناظیرلیگیندن وئریلن یازیلی آچیقلامادا سوریه موضوع لو آستانا دانیشیقلارینین ضمانتچی اؤلکهلری تورکیه، روسیا و ایرانین خاریجی ایشلر ناظیرلرینین توپلانتیسیندا قاتیلیمجیلارین بیر ایللیک امکداشلیغینین نتیجهلرینی تحلیل ائدهجکلری و آتیلاجاق بیرگه آدیملاری معین ائدهجکلری بیلدیریلیر.
آچیقلامادا خاریجی ایشلر ناظیرلری توپلانتیسیندان بیر گون اول تکنیکی سویهلی گؤروش کئچیریلهجگی، سوریه-ده محبوسلارین سربست بوراخیلماسی، جنازه لرین تحویل وئریلمهسی و ایتکین دوشنلرین آختاریشی مسئلهلرینین موذاکیره اولوناجاغی قئید ائدیلیر.
آچیقلامادا: "خاریجی ایشلر ناظیرلری توپلانتیسینین موشاهیدچی اؤلکهلر و سوریه طرفلرینین ایشتیراکی اولمادان کئچیریلمهسی پلانلاشدیریلیر" ایفادهسی ایشلدیلیر، توپلانتییا بیرلشمیش میللتلر تشکیلاتینین سوریه عذره خصوصی نمایندهسی استفان دی میستورانین دعوت ائدیلجگی بیلدیریلیر.
23-24 ژانویه 2017-جی ایلده باشلانان موذاکیرهلر پروسئسینده ضمانتچی اؤلکهلرین توپلانتسیندا سون دفعه 21-22 دسامبردا کئچیریلمیش، ضمانتچی اؤلکهلر محبوسلارین سربست بوراخیلماسی، جنازهلرین تحویلی، ایتکین دوشنلرین شخصیتلرینین معین ائدیلمهسی مسئلهلری موذاکیره ائدیلمیش یونسکو-نون حمایهسی آلتینداکی تاریخی ساحهلرین مین لردن تمیزلنمهسی اوچون ایشچی قروپو یارادیلمیشدی.