اردوغان ایله ماکرون آراسیندا تلفون دانیشیغی اولوب

جمهور باشقانی رجب طیب اردوغان فرانسا‌لی همکاری امانوئل ماکرون ایله دونن آخشام تلفوندا دانیشیب.

ایکی لیدر اساساً سوریا مسئله‌سی باره‌ده فیکیر موبادیله‌سی آپاریب.

سون افریقا سفریندن ده بحث ائدن اردوغان ماکرونلا صحبتی زامانی دوغو غوطه-ده بؤلگه‌سیندکی اینسان فاجعه‌لرینه دقت چکیب.

هر ایکی اؤلکه‌نین جمهور باشقانی بمت تهلوکه‌سیزلیک شوراسی‌نین اؤتن آیکی 2401 سایلی قراری، دوغو غوطه-ده آتشکس، اینسانی یاردیم‌لارین چاتدیریلماسی ایله علاقه‌دار دیپلوماتیک تماس‌لارین آرتیریلماسی ایله باغلی راضیلیغا گلدی‌لر.

صحبت زامانی اردوغان سوریه ایله باغلی تورکیه، روسیا و ایرانین ایشتیراکی ایله آوریلین اولینده ایستانبول-دا لیدئرلر سویه‌سینده گئرچک‌لش‌دیریله‌جک اوچلو ذیروه یه ده توخونوب.

اردوغان فرانسا‌لی همکارینا اونو دا سؤیله‌ییب کی، سوریه-نین عفرین بؤلگه‌سینده ترور عنصورلرینه قارشی یورودولن زیتون دالی حرکاتی تورکیه‌نین میللی تهلوکه‌سیزلیگینه یؤنه‌لیک تهدیدی دفع ائتمک مقصدی داشیییر و بو حرکات بؤلگه خالقی‌نین امین-آمان‌لیغینا دا تحفه وئره‌جک. جمهور باشقانی جمعه گونو بورکینا فاسودا فرانسا سفیرلیگی و مدنیت مرکزینی هدفه آلان ترور هوجوم‌لارینی دا قیناییب.