اردوغان: " صالح مسلیمی تورکیه‌یه تحویل وئرین"
جمهور باشقانی رجب طیب اردوغان چک جمهوریتینده یاخا‌لانان ترور تشکیلاتی پ.ی.د / پ.کا.کا-نین سابیق هم صدری صالح مسلیمین تورکیه‌یه تحویل وئریلمه‌سینی ایستدیک‌لرینی سؤیله‌دی.
جمهور باشقانی و عدالت و اینکیشاف پارتیسی‌نین صدری رجب طیب اردوغان چک جمهوریتینده یاخا‌لانان ترور تشکیلاتی پ.ی.د / پ.کا.کا-نین قیرمیزی بولتنله آختاریلان سابیق هم صدری صالح مسلیمین تورکیه‌یه تحویل وئریلمه‌سینی ایستدیک‌لرینی سؤیله‌دی.
اردوغان بونو پارتیسی‌نین شانلی اورفا کنگره سیندن اول ائتدیگی چیخیشیندا بیلدیردی.
جمهور باشقانی :"آرزو ائدردیک کی، چک جمهوریتی صالح مسلیمی تورکیه‌یه تحویل وئرسین. بو زامان حاق یئرینی توتار. بون‌لار امتی بؤلدولر، بو میللتی پارچالادی‌لار. اونون اوچون بیز بو تروریستلرله موباریزه ائدیریک. بیزیم کورد قارداش‌لاریمیزلا پروبلئمیمیز یوخ‌دور، بیزیم موباریزه‌میز تروریستلرلر ایله دیر" دئدی.
تورکیه سلاح‌لی قوه‌لری‌نین سوریه-نین عفرین بؤلگه‌سینده آپاردیغی "زیتون دالی" عملیاتین‌دان دانیشان اردوغان عفرین-ین یاواش-یاواش تسلیم اولدوغونو بیلدیردی.
جمهور باشقانی پارتیسی‌نین غازی آنتپ کنگره سینده ائتدیگی چیخیشدا دا "زیتون دالی" عملیاتی چرچیوه‌سینده بو گونه قدر 2021 تروریستین ضررسیزلشدیریلدیگینی ایفاده ائده‌رک، عفرینی تروریستلردن تامامیله تمیزلدیک‌دن سونرا او تورپاق‌لاری صاحب‌لرینه وئره‌جک‌لرینی قئید ائتدی.
امریکادا خبردارلیق ائدن اردوغان بون‌لاری سؤیله‌دی: "11 مین کیلومتر اوزاق‌لیق‌دان قالخیب گله‌رک بو ترورتیستلرین معاش لارین وئرن‌لر، بیزیمله متفیقسینیزسه، لازیمی شکیلده داورانین. دئییلسینیزسه، اونو سؤیله‌ین. بیز متفیقیمیزه خیانت ائتمدیک، بیزه خیانت ائدن‌لره حؤرمتیمیز اولماز".
