تورکیه ایله بلاروس آراسیندا آنلاشما ایمضالانیب

تورکیه ایله بلاروس آراسیندا نقلیات، ایقتیصاد، ایدمان، ایستاندارد‌لار، علم و کیتابخاناچی‌لیق ساحه‌سینده آنلاشما ایمضالانیب.

رسمی سفر اوچون دونن بو اؤلکه‌یه گئدن باش ناظیر بینا‌لی ییل‌دیریم و بلاروسون باش ناظیری آندری کابیاکوو-ون بیرگه مطبوعات کونفرانسی اؤنجه‌سینده، ایکی باش ناظیر حضوروندا، موقاویله‌لره ایمضا آتیلیب.

تورکیه ایله بلاروس آراسین‌داکی اولوسلار آراسی کومبینه یوک داشینماسی موقاویله‌سینی، نقلیات دنیزچی‌لیک و کومونیکاسیون ناظیری احمد آرسلان ایله بلاروس نقلیات و کومونیکاسیون ناظیری آناتولی سیواک ایمضالاییب.

یاتیریم‌لارین قارشی‌لیق‌لی تشویقی و قورونماسینا دایر سازیش، ایقتیصاد ناظیری نیهات زئیبکجی ایله خاریجی ایشلر ناظیری‌نین معاوینی اولق کراوچنکو طرفین‌دن ایمضالانیب.

تورکیه جمهوریتی‌نین گنج‌لر و ایدمان ناظیرلیگی ایله بلاروس ایدمان و توریزم ناظیرلیگی آراسیندا ایدمان ساحه‌سینده امکداش‌لیق سازیشینه، گنج‌لر و ایدمان ناظیری عثمان ـشکین باخ ایله بلاروس ایدمان و توریزم ناظیری آلکساندر شامکو ایمضا آتدی.

تورک ایستاندارد‌لاری اینستیتوسو (TSE) ایله بلاروس دولت ایستاندارتلاشدیرما کومیته‌سی آراسیندا آنلاشما سندینین ایجراسینا دایر 2018-2020 ایش پلانین ایسه تورک ایستاندارد‌لاری اینستیتوسو باشقانی صباح الدین قورخماز ایله بلاروس ایستانداردلاشدیرما کومیته‌سی‌نین 1-جی باشقان یاردیمچیسی والنتین تاتاریتسکی طرفین‌دن ایمضالانیب.

تورکیه علمی و تکنیک آراشدیرما قورومو (توبیتاک) ایله بلاروس اینوواسیون قورومو (BIF) آراسین‌داکی امکداش‌لیق آنلاشما سندینی، توبیتاک باشقانی پروفسور دوکتور عاریف ارگیه ایله بلاروس اینوواسیون قورومو دیرکتورو دمیتری قالی‌نین ایمضالاییب.

تورکیه ایله بلاروس میلی کیتاب‌خانا‌لاری آراسیندا آنلاشما سندی ایسه میلّی کیتاب‌خانا رهبری زولفی تومان ایله بلاروس میللی کیتاب‌خاناسی‌نین دیرکتورو رومان ماتولسکی طرفین‌دن ایمضا آلتینا آلیندی.