ضررسیزلش‌دیریلن تروریست سایی 935-ا یوکسلیب

تورکیه سلاح‌لی قوه‌لری طرفیندن سوریه-نین عفرین بؤلگه‌سینده آپاریلان زیتون دالی حرکاتی چرچیوه‌سینده ضررسیزلش‌دیریلن تروریست سایی 935-ا یوکسلیب.

تورکیه سلاحلی قوه لرینین باش قرارگاهی 16-جی گونو گئریده قالان حرکاتا دایر بیانات وئریب: "زیتون دالی" عملیاتی چرچیوه‌سینده بؤلگه‌دن الده ائدیلن معلومات‌لارا اساساً، 4 فوریه 2018-جی ایل تاریخینده پ.کا.کا/کا.ج.کا/پ.ی.د-ی.پ.گ و داعش ترور تشکیلاتی منسوبو 3 تروریست ضررسیزلشدیریلیب. حرکاتین باشلانغیجین‌دان بو گونه قدر ضررسیزلش‌دیریلن تروریست سایی 935 اولوب. هاوا و قورو عملیات‌لاری‌نین بیر-بیرینی دستکلمه‌سی نتیجه‌سینده حرکات پلانلاشدیریلدیغی شکیلده اوغورلا داوام ائدیر".

آچیقلامادا او دا بیلدیریلیر کی: "سوریه-نین عفرین بؤلگه‌سینده داوام ائدن، پ.کا.کا/کا.ج.کا / پ.ی.د-ی.پ.گ و داعش تروریستلرینا قارشی حیاتا کئچیریلن زیتون دالی عملیاتی حرکاتی چرچیوه‌سینده 2 عسگر شهید اولوب، 5-ی یارالانیب. 16-جی گونو گئریده قالان حرکات زامانی شهید اولان عسگر سایی 15-ا یوکسلیب".