آمریکا هیاتی آنکارایا گلیب

آمریکا خاریجی ایشلر ناظیرلیگی موشاویر کؤمکچی‌سی جاناتان کوئن باشقانلیق ائتدیگی نماینده هیاتی، سوریه و عدلی ایش بیرلیگی کیمی مسئله‌لرده دانیشیق‌لار آپارماق اوچون آنکارایا گلیب.

دیپلوماتیک منبع‌لردن وئریلن معلوماتا گؤره، آمریکا ساوونما ناظیرلیگی‌نین مسئول‌لاری‌نین ده ایچینده اولدوغو نماینده هیاتی، خاریجی ایشلر ناظیرلیگی و باش قرارگاه رهبرلیگی ایله دانیشیق‌لار آپارا‌جاق.

هیات ایلک اولا‌راق خاریجی ایشلر ناظیرلیگینه گئدرک موستشار معاوینی احمد موختار گون رهبرلیک ائتدیگی تورک نماینده هیاتی ایله گؤروشمه‌لر کئچیره‌جک.

گؤروشمه‌لرده عدلی ایش بیرلیگی کیمی مسئله‌لر موذاکیره اولونا‌جاق.

آمریکا نماینده هیاتی داها سونرا باش قرارگاه باشقانلیغینا گئده‌رک بورادا ایجلاس کئچیره‌جک.

آمریکا ساوونما ناظیرلیگی (پنتاکون) سؤزچوسو مایو آدریان رانکین گالوی، ساوونما ناظیرلیگی رسمی‌لری‌نین "عفریندکی وضعیت، او جمله‌دن بیر چوخ اورتاق امنیت مسئله‌لرینی گؤروشمک اوچون" آمریکا نماینده هیاتی ایله بیرلیکده آنکارادا اولدوق‌لارینی آچیقلامیشدی.

عفریندکی پ.ی.د/پ.ک.ک منسوبلاری‌نین داعش علیهینه کوالیسیونون طرفداش‌لاری اولمادیغینا دقت چکن گاوی،

"تورکیه‌نین قانونی امنیت قایغی‌لارینی جیدی‌یه آلیریق. ناتو موتتفیقیمیز و داعش ایله دیگر ترور تشکیلات‌لاری ایله موباریزه طرفداشیمیز تورکیه ایله بیرلیکده ایشلمه‌یه صادیقیق. آمریکا طرفین‌دن ده خاریجی ترور تشکیلاتی کیمی تانینان پ.ک.ک-نین تورکیه‌نین امنیتینی تهدید ائتمه‌سی مسئله‌سینده تورکیه ایله اونسوز دا یاخین چالیشیریق". ایفاده‌لرینی ایشلتمیشدی.