اردوغان:" تورک میللتی و تورک دؤولتی همیشه اونلارین یانیندا‌دیر"
جمهور باشقانی رجب طیب اردوغان دؤولت و میللت همیشه غازی و شهید یاخین‌لاری‌نین یانیندا اولدوغونو بیلدیری.
جمهور باشقانی رجب طیب اردوغان ایستانبول-دا تشکیل اولونان غازی لره دؤولت شرف مدا‌لی مراسیمینده دؤولت و میللت همیشه غازی و شهید یاخین‌لاری‌نین یانیندا اولدوغونو بیلدیردی.
مراسیم ده عائله و سوسیال سیاست‌لر ناظیری فاطما بتول سایان کایا، ایستانبول والیسی واسیپ شاهین، شهر ژاندارما قوموتانی ژنرال نوح کوراوغلو، 52-جی تومن قوماتانی ژنرال اؤزگور تور، هاوا حرب آکادمیسی‌نین قوموتانی ژنرال رافعت دالکیران، ایستانبول بؤیوکشهر بلدیهسینین صدری مولوت اویسال و غازی لر قاتیلدی.
مراسیم قران کریم تلاوتی ایله باشلادی. داها سونرا جمهور باشقانی رجب طیب اردوغانین غازی و شهیدلره خطابن مکتوبو اوخوندو.
اردوغان، مکتوبوندا بؤیوک ظفرلرین، بؤیوک هدف‌لرین آرخاسیندا، بؤیوک قهرمان‌لار اولدوغونا دقت چکدی. شهید یاخین‌لارینا و غازی لره تقدیم ائدیلن شرف مدا‌لی دؤولتین و میللتین وفا بورجو حساب ائدیلیر. ترورا قارشی موباریزه‌ده، سرحددی آشان عملیات‌لاردا و 15 ژوئیه خاین چئوریلیش جهدی زامانی شهید و یا غازی اولان قارداش‌لاریمیز، بو بؤیوک ایدئانین گونوموزدکی سانجاکدارلاریدی‌لار. وطنیمیز، اذانیمیز، بایراغیمیز، آزادلیغیمیز، گلجییمیز، اوغرونا سئودیک‌لرینی ایتیرن، یارا‌لانا‌راق غازی اولان هر قارداشیم بیلمه‌لی‌دیر کی، تورک میللتی و تورک دؤولتی همیشه اونلارین یانیندا‌دیر."
