اردوغان فرانسادا دانیشدی
"پ.ی.د/ی.پ.گ، بؤلوجو ترور هؤرگوتو پکاکانین یان قوللاریدیر. بونلارا قارشی دا عینی مباریزهنی بیزیم برابر وئرمییمیز لازیمدیر"
![اردوغان فرانسادا دانیشدی](http://cdn.trt.net.tr/images/xlarge/rectangle/9c83/9f31/5821/5a5066ca2d31c.jpg?time=1719059464)
جمهورباشقانی رجب طیب اردوغان، گئتدیگی فرانسانین باشکندی پاریسده قونومداشی امانوئل مکرون ایله مطبوعات کنفراسی دوزنلهدی.
اردوغان، تورکیهنین آوروپا عضولوک پروسهسینده بیرلیگین داواملی بیر مشغول ائتمه تاکتیکی آپاریر و بو پروسهنین تورک حکومت و خالقینی جدی معنادا یوردوغونو بیلدیردی.
اردوغان، فرانسا، تورکیه، ایتالیا اوچلوسونون میلی ساوونما موشکلرینین گلیشدیریلمهسی قونوسوندا یوروسام کونسورسیومو آنلاشماسینی ایمضالادیقلارینی سؤیلهدی.
تورکیه اولاراق ترورلا مباریزه مسئلهسینده داعشله مباریزهیه داوام ائدجکلرینی بیلدیرهن اردوغان،
"ایندی دوستلاریمیزا سسلهنیرم، عینی شکیلده پ.ی.د/ی.پ.گ، بؤلوجو ترور هؤرگوتو پکاکانین یان قوللاریدیر. بونلارا قارشی دا عینی مباریزهنی بیزیم برابر وئرمییمیز لازیمدیر" دئدی.
اردوغان،
"نه یازیق کی بعضی دوستلاریمیز بو قونودا هله ده ی.پ.گنی، پ.ی.دنی یانلارینا آلماقلا داعشه قارشی مباریزه آپاردیقلارینی گومان ائدیرلر. حال بوکی داعشه قارشی یئنی یئنی پلانلامالار آپاریلیر و اونلارا داها فرقلی یاشام آلانلاری حاضرلانیر. بو مسئلهده ده منجه آییق اولماق، کشفیات تشکیلاتلاریمیزین بیر بیری ایله اولان دایانیشماسینی، بیلگی آخیشینی داها یوکسک سویهلره داشیمامیز لازیمدیر" دئدی.
فئتو ترور هؤرگوتو و پکاکا قونوسوندا فرانسانی اویاران اردوغان،
"فرانسادا فئتؤ منسوبلارینا قارشی حساسلیق چوخ اؤنملی. بورالاردا درنکلری، فوندلاری، ایش یئرلری ایله قورومساللاشیرلار. پکاکا عینی شکیلده قورومساللاشیرلار. یعنی بورالارداکی حساسلیق اگر گؤزدن قاچیرسا اینانیرام کی، یارین بونون سیخینتیسی فرقلی اولاجاقدیر" دئدی.
اردوغان، قدسون ایستاتوسو مسئلهسینده قارشیداکی دؤورده آتیلاجاق آددیملاردا فرانسا ایله یاخین تماس حالیندا اولاجاقلارینی سؤیلهدی.
سوریه مسئلهسینه ده توخونان اردوغان، سیغینماچیلارا یاردیملاری داوام ائتدیرهجکلرینی ایفاده ائدرک،
"بیزیم چؤزوموموز اسدسیز و سوریه خالقینین دموکراتیک ایرادهسی ایله سئچیمی گرچکلشدیرمهسیدیر" دئدی.
اردوغان، آمریکانین سوریهده ترور هؤرگوتو پکاکا/پ.ی.دیه گؤندردیگی سلاحلارین باتی دونیاسیندا سورغولانماماسینی دا یادیرغادیغینی بیلدیردی.
مکرون دا چیخیشیندا، فیلیسطین مسئلهسینده ایکی دؤولتلی چؤزوم اولماسی گرکدیگینی، سوریهده ایسه داعش سونراسی باریش و ثابیتلیین تامین اولونماسی لازیم اولدوغونو قئید ائدرک سوریهده بیر یول خریطهسی مسئلهسینده تورکیه ایله بیرلیکده چالیشماق ایستدیکلرینی بیلدیردی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719059465)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719059465)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی