تورکیه ایران-دا باش وئرن حادثه لر ایله باغلی آچیقلاما وئردی
خاریجی ایشلر ناظیرلیگی ایران-دا 20-دن آرتیق شهرده داوام ائدن اعتراض آکسیالارینا موناسیبت بیلدیردی.
خاریجی ایشلر ناظیرلیگی ایران-دا 20-دن آرتیق شهرده داوام ائدن اعتراض آکسیالارینا موناسیبت بیلدیردی.
آچیقلامادا ایران-دا دسامبرین 28-ده باشلایان اعتراض آکسیالارینین یاییلاراق داوام ائتدیگی و باش وئرن حادثهلرده اؤلنلرین اولدوغو، همچنین اجتماعی بینالارا زیان یئتیریلدیگی بارهدکی خبرلردن ناراحات لیق دویولدوغو وورغولانیب.
آچیقلامادا تورکیهنین دوست و قارداش ایرانین اجتماعی دینجلیک و ثابتلیگینین قورونماسینا بؤیوک اهمیت وئردیگی بیلدیریلهرک قئید اولونوب کی، جمهور باشقانی حسن روحانینین خالقین باریش مقصدلی گوستری کئچیرمهیه حاقی اولدوغو، آنجاق قانونلارین تاپدالانماسی و اجتماعی مولکه ضرر یئتیریلمهسی بارهدکی آچیقلاماسی نظرده توتولاراق شدتدن و تخریباتچیلیقدان ایمتینا ائدیلمهلیدیر.
آچیقلامادا همچنین "یاخین زاماندا بو اؤلکهده دینجلیگین تامین ائدیلمهسینی و منطقین غلبه چالاراق حادثهلرین آرتماسینین قارشیسینین آلینماسینی، حادثهلری تحریک ائدهجک ایفادهلر و خاریجی موداخیلهلردن ایمتینا ائدیلمهسینی دیلییریک" ایفادهلری یئر توتوب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.