قدس یالنیز دئییل - ابراهیم قالین
"قدس مقدس شهری ایله ایلگیلی اولاراق گوونلیک شوراسینین قرارلارینا رعایت ائدرک بوتون دؤولتلر بو قطعنامهلره ضد هر هانسی بیر ائیلم و یا اؤنلمی تانیمیر"
![قدس یالنیز دئییل - ابراهیم قالین](http://cdn.trt.net.tr/images/xlarge/rectangle/0682/8801/2b44/592d6657e36cf.jpg?time=1719134255)
جمعه گونو کئچیریلهن بیرلشمیش ملتلر باش قورولونون توپلانتتسیندا یوکسک سسله و آچیق بیر شکیلده وئریلن مئساژ، قدسون تک اولمادیغی و تهدید، شانتاژ، ایشغال و مولکسوزلشدیرمه تاکتیکلرینین ۲۱.جی عصرده بیر نورم اولمایاجاغیدیر.
بیرلشمیش میلتلر تشکیلاتینین باش قورولو ۲۱ دسامبردا تاریخی بیر گون کئچیردی. دوققوزا قارشی ۱۲۸ اوی کیمی بؤیوک اکثریت، آمریکانین تک طرفلی آلدیغی قدسو اسراییلین باشکندی اعلان ائتمه قرارینی رد ائتدی و بونو بیان ائتدی: "قدس مقدس شهری ایله ایلگیلی اولاراق گوونلیک شوراسینین قرارلارینا رعایت ائدرک بوتون دؤولتلر بو قطعنامهلره ضد هر هانسی بیر ائیلم و یا اؤنلمی تانیمیر".
باش قورول، قدس قوتسال شهرینین کاراکترینی، ایستاتوسونو و یا دموگرافیک ترکیبینی دییشدیرمه اساسی احتیوا ائدن قرارلار و حرکتلر هئچ بیر حقوقی کئچرلیلیگی اولمادیغینی، حؤکمسوز اولدوغونو و گوونلیک شوراسینین ایلگیلی قطعنامهلرینه اویغون اولاراق گئچرسیز قیلینماسی لازیم اولدوغونو اونایلادی.
قورول عینی زاماندا، هر بیر دؤولتی، بیرلشمیش ملتلر گوونلیک شوراسینین ۱۹۸۰ده قبول ائدیلن ۴۸۸ ساییلی قرارینا اویغون اولاراق، قدسدا دیپلوماتیک میسیونلارین قورولماسیندان واز گئچمهیه چاغیردی. بو، هم اسراییله، هم ده آمریکایا، مقدس شهرله باغلی آپاردیقلاری تک طرفلی حرکتلرین قانونسوز، حؤکمسوز اولدوغونو و اولوسلارآراسی توپلوم طرفیندن اولدوقجا یاخیندان تعقیب ائدیلدیگینی گؤسترن چوخ آچیق بیر مئساژدیر. باشقان دونالد ترامپ رهبرلییندهکی مؤوجود آمریکا رهبرلیگی بو قراری باغلاییجی دئییل دئیهرک رد ائدهبیلر، آنجاق بونون یؤنتیمین منیمسهدیگی تک طرفلی دیپلوماسییه ائندیریلمیش بؤیوک بیر ضربه اولدوغو گرچکیندن قاچابیلمز.
آمریکا، بو وضعیتین دونیا میقیاسیندا قینانماغا، آمریکانین تجرید ائدیلمهسینه و نهایی اولاراق دا بیرلشمیش ملتلر باش قورولوندا رد ائدیلمهسینه یول آچاجاغینا دایر اویاریلارا قولاق آسمادی. عکسینه، داها دا ایرلی گئدهرک اویلامادان ساعاتلار اؤنجهسینه قدر تهدید و شانتاژ احتیوا ائدن مئساژلار وئردی. بو، دیپلوماتیک تاریخه آمریکا اوچون قارا بیر صحیفه اولاراق کئچهجک، آنجاق اولوسلارآراسی حقوق و داها اخلاقی بیر زمینین وارلیغی اوچون بؤیوک ظفردیر.
اساسیندا، بو، فیلیسطینین مستقیللیک، باریش و حیثیت اوچون وئردیگی مباریزهنین تاریخینه دوشموش تاریخی بیر آن. دونیا، فیلیسطین و قدس خالقلارینین تک اولمادیغینی و آمریکا و یا اسراییل رهبرلیکلرینین اولوسلارآراسی نورملارا و اخلاقی پرینسیپلره ضد دوشونجهسیزلیکلرینه و ایستکلرینه ترک ائدیلمهیهجیینی گؤستردی.
جمهورباشقانی رجب طیب اردوغان طرفیندن ۱۳ سامبردا ایستانبولدا توپلانان ایسلام امکداشلیق تشکیلاتینین اولاغان اوستو ذیروه توپلانتیسی، مسلمان دونیاسینین بو قونونو جدیه آلمایاجاغینی و قدس و حرام الشریفله باغلی اولاراق اورتایا چیخان تک طرفلی هر هانسی بیر سیاستی دوردورماق اوچون لازیم اولان بوتون تدبیرلری گؤرجیگینی آچیق شکیلده اورتایا قویدو.
دیروهده اورتایا چیخان آنلاشما، عرب و مسلمان دونیاسینین اؤته سینه کئچرک آوروپا، آفریقا، آسیا و لاتین آمریکانی دا ایچینه آلمیشدیر.
بو آنلاشما، اسراییلین اونلارجا ایلدیر داوام ائدن ایشغال، قورخوتما و مولکسوزلشدیرمه سیاستینین یاسادیشیلیغینی و اخلاقی پوزوقلوغونو بیر داها گؤسترمکدهدیر .اویلاما، ایکی دؤولتلی حلین آلتئرناتیوینین اولمادیغینی و اسراییلین فیلیسطین تورپاقلارینی ایشغالینی و باغمالاماسینی سونا چاتدیرماق مجبوریتینده اولدوغونو دا اونایلامیشدیر. آمریکا رهبرلیگی، ایشغالا دستک وئرمک یئرینه، ۱۹۶۷ سرحدلرینه دایالی ایکی دؤولتلی حلین اویقولانماسی اوچون نفوذوندان ایستیفاده ائتمهلیدیر.
دیگر طرفدن، ترامپ رهبرلیگی، اسراییله آچیق چئک وئریب، دوروست بیر آراچی اولدوغونو ادعا ائدهبیلمز .فیلیسطینلیلرین و یا مسلمان دونیاسینین گوون و اعتیمادینی، تهدید و شانتاژلا قازانابیلمز. اسراییلین طرفینده اولدوغو یئنی بیر باریش پروسهسی ایله ایرلیلهیهبیلمز. بو نقطهده ترامپ رهبرلیگی اوچون ائدیلهجک ان دوغرو حمله، باش قورول اویلاماسینی قبول ائتمک، تک طرفلی قرارینی لغو ائتمک و دوغو قدسو فیلیسطینین باشکندی اعلان ائتمکدیر.
ایندی ایسه، فیلیسطین-اسراییل چاتیشماسینی حل ائتمک اوچون حاضیرلانمیش عدالتلی و سوردورولهبیلیر بیر باریش پلانینی تشویق ائدیب دستکلهمک اوچون بو تاریخی آندان یارارلانمالیییق. دونیا، فیلیسطینلیلره و اونلارین اؤزگورلوک، تهلوکهسیزلیک و باریش اوچون دویدوغو آرزویا وئردیگی دستگی داوام ائتدیرمهلیدیر. بوتون اؤلکهلر فیلیسطینی تانیمالی و چاتیشمانین هر ایکی طرفینه عدالتلی و برابر شکیلده داورانمالیدیر.
آوروپا بیرلیگی، اسلام ایش بیرلیگی تشکیلاتی اؤلکهلری و درنم باشقانی تورکیه ایله بیرلیکده، مسئلهنین بیر سونراکی مرحلهسینده اؤنچو بیر رول اوینامالیدیر. خاویر سولانانین قید ائتدیگی کیمی: "اسراییللیلری و فیلیسطینلیلری دانیشیقلار ماساسینا قاییتماغا تشویق ائتمهنین ان یاخشی یولو، هر کسه برابر ایمکان وئرمک اوچون چالیشماق، چونکو آمریکانین بونو ائتمهیهجگی آچیقجا اورتادا، آوروپابیرلیگی بو مسئلهده لیدئرلیگی آلمالی، فیلیسطین دؤولتینی تئزلیکله تانییاراق اولدوغو قدر گوجلو بیر مئساژ گؤندرمهلیدیر". آوروپابیرلیگینین فیلیسطینی تانیماسی، دانیشیقلار ماساسینا احتیاجی چوخ حس ائدیلن عدالتی گتیریر و گلهجکدهکی مذاکیرهلرده آوروپابیرلیگینه ارک ساغلار. آوروپابیرلیگی، عرب بیرلیگی و ایسلام ایش بیرلیگی تشکیلاتی، ایکی دؤولتلی حلین تطبیقی اوچون باریش پروسهسینی یئنیدن جانلاندیرمالیدیرلار.
۲۲ دسامبر بیرلشمیش ملتلر باش قورولو اویلاماسینین آچیق و دقیق بیر شکیلده وئردیگی مئساژ بودور: قدس تک دئییل و تهدید، شانتاژ، ایشغال و مولکسوزلشدیرمه ۲۱.جی عصرده بیر نورم اولمایاجاغیدیر. اویلاما عینی زاماندا، پروبلئمین اسراییلین فیلیسطینی ایشغال ائتمهسی اولدوغو اساس حقیقتینه ده وورغو ائتمکده: باریشین قوتسال تورپاقلارا و اورتادوغویا گلمهسی اوچون سونا چاتماسی لازیم اولان ایشغالین.
جمهورباشقانلیغی سؤزچوسو سایین ابراهیم قالینین دیلی صاباحدا یاییملانان ۲۳.۱۲.۲۰۱۷ تاریخلی مقالهسیدیر.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719134255)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719134255)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی