ابراهیم کالین گوندمی دیرلندیردی

جمهور باشقانی‌نین سؤزچوسو ابراهیم کالین ایسلام امکداش‌لیغی تشکیلاتی‌نین دوغو قودسو فیلیسطین-نین پایتاختی اعلان ائتمه‌سی‌نین امریکانین قرارینا بیر قیساس کیمی گؤرولمه‌مه‌سی‌نین واجیب‌لیگینی دیله گتیردی.

ابراهیم کالین "ت.ر.ت خبر" کانالیندا گوندمه دایر سوال‌لارا جاواب وئره‌رک دئدی کی، امریکانین قودسو ایسرائیل-ین پایتاختی اولا‌راق تانیماسی قرارینی ساده‌جه ایسلام امکداشلیق تشکیلاتینا عضو 57 اؤلکه دئییل، آوروپا، لاتین آمریکا و آسیا اؤلکه‌لری‌نین دئمه‌لی هامیسی رد ائتدی.

امریکانین قرارینا ساده‌جه چک جمهوریتی‌نین دستک وئردیگینه دقت چکن کالین بیلدیردی کی، امریکادا بیر یالنیزلشما  پروسه‌سی وار. بو قراری تک باشینا بو قراری قبول ائتدی. بونو گلوبال میقیاسدا اونلارین دا تحلیل ائتمه‌سی لازیم‌دیر.

ایسلام امکداشلیق تشکیلاتی تاریخینده بو توپلانتی‌نین 6-جی فوق العاده ذیروه اولدوغونو وورغولایان ابراهیم کالین بو قدر قیسا مدت عرضینده بو سویه‌ده اوغورلو کئچن بیر ییغینجاغین تشکیل ائدیلمه‌سی‌نین آسان اولمادیغینی دا دیله گتیردی.  

کالین جمهور باشقانی اردوغانین لیدرلیگی اولمایاجاغی تقدیرده بئله بیر ذیروه توپلانتی‌سی‌نین تشکیل ائدیله بیلمه‌یه‌جگینی ایفاده ائتدی و بو سویه‌ده گوج‌لو بیر مئساژین دا دونیایا وئره بیلمه‌یه‌جگینی سؤیله‌دی.