اردوغان: دونیا سیزدن عبارت دئییل
"آمریکانی آتدیغی بو حقوق دیشی آددیمدان بیر آن اول گئری قاییتماغا دعوت ائدیریک"
![اردوغان: دونیا سیزدن عبارت دئییل](http://cdn.trt.net.tr/images/xlarge/rectangle/d87c/b619/6858/5a30ef3fd5be2.jpg?time=1719102531)
جمهورباشقانی رجب طیب اردوغان، عدالته صاحب چیخان بوتون اؤلکهلری، قدسو فلسطینین باشکندی اولاراق تانیماغا چاغیردی.
اسلام امکداشلیق تشکیلاتی، آمریکا باشقانی دونالد ترامپین ۶ دسامبردا قدسو ایسراییلین باشکندی اولاراق تانیما و آمریکا ائلچیلیگینی تل آویودن قدسا داشیما یولونداکی پلانینی آچیقلاماسینین آردیندان، دؤنم باشقانی تورکیهنین ائو صاحبلیگی ایله ایستانبولدا اولاغان اوستو توپلاندی.
ذیروهده اسلام امکداشلیق تشکیلاتی دؤنم باشقانی اولاراق دانیشان پرزیدنت رجب طیب اردوغان،
"بو گون بورادا ایسلامین ایلک قیبلهسی و الاقصینین شهر قودسوموزون تاریخی ایستاتوسونا ائدیلن تجاووزو اله آلماق اوچون بیر آرایا گلمیشیک" دئدی.
چیخیشیندا ۱۹۴۷دن بو یانا، ایسراییل ایشغالینین ایللر گئچدیکده بوتون فلسطینی قوشاتدیغینی خریطهلرله ایضاح ائدن اردوغان،
"بو اونو گؤستریر کی، ایسراییل بیر ایشغال دؤولتیدیر. بونونلا یاناشی، ایسراییل عینی زاماندا بیر ترور دؤولتیدیر. قدسدا بو قدیم شهرین کوچهلرینده بیر نئچه دقیقه گزهن هر کس اورانین ایشغال آلتیندا اولدوغونو آنلایاجاق" دئدی.
اردوغان،
"۱۰ یاشینداکی اوشاقلاری او تروریست عسگرلر گؤزآلتینا آلیر و دمیر قفسلرین ایچینه بونلاری توپلاییرلار. گؤزلری باغلانیر، و ۱۴ یاشینداکی اوشاق قونداقلانیر. او بیری طرفده بیر کؤرپه قیز اوشاغی. آناسی بالاسینا ساریلیر و آنا قوندقالا دؤیولور و او اوشاق الیندن آلینیر. بو ایشغالچی دئییل، تروریست دئییل ده ندیر؟ بونون ایضاحی وارمی؟" شکلینده دانیشدی.
آمریکانین قرارینین هئچ بیر حؤکمو اولمادیغینی وورغولایان اردوغان، بیرلشمیش میللتلر گوونلیک شوراسینین ۱۹۸۰ تاریخینده آلدیغی قرارا گؤره هئچ بیر اؤلکهنین قدسدا ائلچیلیگی اولمایاجاغی بیلدیریلدی.
ترامپا تپکی وئرهن اردوغان،
"من ائتدیم اولدو دئمکله، بو دونیادا هئچ بیر شئی اولمور. دونیا سیزدن عبارت دئییل" شکلینده دانیشدی.
فلسطینین اولوسلارآراسی انلاشمالارا داخیل اولما پروسهسینین سورعتلندیریلمهسی لازیم اولدوغونو وورغولایان اردوغان،
"ایسلام اؤلکهلری اولاراق، فلسطین دؤولتینین تام تمثیلی مسئلهسینده داها گوجلو بیر ایراده اورتایا قویمالیییق. بو گون بورادان بونون چیخماسی گرکمکدهدیر. آمریکانی آتدیغی بو حقوق دیشی آددیمدان بیر آن اول گئری قاییتماغا دعوت ائدیریک. آرچیلیق اؤزللیگینی تامامیله ایتیرهن آمریکانین یئرینه، ایسلام اؤلکهلرینین دونیا باریشی اوچون مسئولیت آلمالارینی گؤزلهییریک. قدسو فلسطین دؤولتینین ایشغال آلتینداکی باشکندی کیمی تانیماغا دعوت ائدیرهم" ایفادهلرینی قوللاندی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719102532)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719102532)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی