تورکیه بؤلگهسینین ان سویلن اؤلکهسیدیر
رجب طیب اردوغان ایسه ان سویلن لیدر…
مرکزی قرارگاهی امریکادا یئرلشن PEW آدلی تشکیلاتین آراشدیرماسینین نتیجهسینه گؤره، تورکیه بؤلگهده 10 ایل اولی ایله موقاییسهده تأثیر دایرهسینی ان چوخ آرتیران اؤلکه، جمهور باشقانی رجب طیب اردوغان ایسه ان چوخ سئویلن لیدردیر.
PEW آدلی آراشدیرما تشکیلاتی تورکیه، ایران، روسیا، سعودی عربیستانی، ایسرائیل و میصری احاته ائدن خالق آراشدیرماسی آپاردی.
آراشدیرمایا قاتیلانلارین اکثریتی تورکییه، امریکا و روسیانین بؤلگهده اوینادیغی رولون 10 ایلده کئچمیشله موقاییسهده داها بؤیوک اهمیت قازاندیغینی سؤیلهدی.
تورکیهنین کئچمیشله موقاییسهده داها بؤیوک رول گؤتوردوگونو سؤیلهینلرین نیسبتی 63 فایز اولاراق قئیده آلیندی.
روسیانین بؤلگهده گؤتوردوگو رولا مثبت یاناشدیقلارینی سؤیلهینلرین نیسبتی 35 فایز اولدوقدا، همین نیسبت امریکا اوچون 27 فایز اولدو.
بؤلگهده گؤتوردوگو رولون کئچن اون ایل ایله موقاییسهده داها چوخ آرتدیغی دوشونولن اؤلکهلر سیراسیندا تورکیه 63 فایزله بیرینجی یئری توتدو.
اردن-لی لرین 76، لبنان-لی لارین 63، تونیسلیلرین 59، ایسرائیللیلرین 33 فایزی تورکیهنین اورتا دوغو و قوزیی افریقادا نفوذونو آرتیردیغینی دوشونور.
بؤلگهده اوینادیغی رول باخیمیندان تورکیه ان مثبت یاناشیلان اؤلکه کیمی اؤن پلانا چیخیر.
آراشدیرما چرچیوهسینده بؤلگه اؤلکهلرینین لیدرلرینه نئجه یاناشدیغی دا سوال ائدیلدی.
جمهور باشقانی رجب طیب اردوغان آراشدیرما چرچیوهسینده سوال ائدیلن لیدرلر آراسیندا ان پوپولیار لیدر اولدو.
اردوغانین پوپولیارلیغی اردن-ده 66، تونیس-ده 59، لبنان-دا 42، ایسرائیل-ده ایسه 15 فایز اولاراق قئیده آلیندی.
ایلگیلیلی خبرلر
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی