بیر گونده ۲۹ تروریست اؤلدورولدو

تورک سلاح‌لی گوجلری طرفیندن، ایراق قوزئیین‌ده‌کی متینا بؤلگه‌سینه دوزنلنن هاوا عملیاتین‌دا، سرحد خطین‌ده‌کی قاراقول و  حربی بؤلگه‌لره سالدیری حاضیرلیغینداکی۱۲ تروریست ائتکیسیزلشدیریلدی.

باش قرارگاه‌دان وئریلن بیلگییه گؤره، ایراق قوزئیین‌ده‌کی بؤلوجو ترور هؤرگوتونه عاید هدفلرین وورولماسینا داوام ائدیلیر.

ایراق قوزئیین‌ده‌کی متینا بؤلگه‌سین‌ده، سرحد خطین‌ده‌کی قاراقول و  حربی بؤلگه‌لره سالدیری حاضیرلیغیندا اولان بؤلوجو ترور هؤرگوتو عضولری معین ائدیلدی. بونون اوزرینه دوزنلنن هاوا عملیاتی ایله ۱۲ تروریست ائتکیسیزلشدیریلدی، بؤلوجو ترور هؤرگوتو طرفین‌دن ایستیفاده ائدیلن سیغیناق و باریناقلار تخریب ائدیلدی.

ایراق قوزئیین‌ده‌کی خاکورک بؤلگه‌سینه سحر ساعاتلارین‌دا یئنه هاوا عملیاتی حیاتا گئچیریلمیش، ۱۷ تروریست ائتکیسیزلشدیریلمیشدی. بئله‌لیکله، گون عرضین‌ده گئچیریلن هاوا عملیاتلاری ایله اؤلدورولن توپلام ترویست ساییسی ۲۹ اولدو.