اردوغان، دونالد ترامپین آمریکا سفیرلیگینی قودسه داشیما قرارینا اعتراض ائتدی
پارتیسینین سیواس 6-جی نوبتی قورولتاییندا چیخیشیندا اردوغان، ایسرائیلین بیر ترور دولتی اولدوغونو،ترامپین قراری‌نین دا یوخ حؤکمونده اولدوغونو ایفاده ائتدی
پرزیدنت و عدالت و قالخینما پارتی‌سی گنل باشقانی صدری رجب طیب ردوغان، آمریکا‌نین پرزیدنتی دونالد ترامپین قودسو ایسرائیلین باشکندی اولا‌راق قبول ائتمه و سفیرلیگینی قودسه داشیما قرارینا اعتراض گؤستردی.
پارتیسینین سیواس 6-جی نوبتی قورولتاییندا چیخیشیندا اردوغان، ایسرائیلین بیر ترور دولتی اولدوغونو،ترامپین قراری‌نین دا یوخ حؤکمونده اولدوغونو ایفاده ائتدی.
پرزیدنت اردوغان،
قودوس بیزیم گؤزوموزون نورودور، قودسو اوشاق قاتیلی بیر اؤلکه‌نین اینصافینا ترک ائتمیه‌جگیک. قودسو ایشغال و یاغین‌دان باشقا هئچ بیر دگری اولمایان بیر دولتین ویجدانینا دا بوراخمایاجاغیق. حقوق و دموکراسی ایچری‌سینده موباریزه‌میزی قرارلی بیر شکیلده داوام ائتدیرجگیک". دئدی.
رجب طیب اردوغان،
سؤزده ایره‌لی دموکراسینین بئشیگی اولان اؤلکه‌لرده، تأسف کی، ان اساس حقوق و آزادلیق‌لاری سایمازجاسینا قتله یئتیریلیر. بیزدن، بو منظره‌یه ساکیت اولماغیمیزی ایستییرلر کی، یئریمیزه چکیلمه‌میزی، عدالت‌سیزلیگه بویون ایمگی، اوشاق‌لارین قان‌لاری اوزرینده قوردوق‌لاری ظلم سیستمینه راضی‌لیق وئرمییمیزی گؤزلییرلر، بیزدن دگرلریمیزی آیاق‌لار آلتینا آلا‌راق تسلیمیت یولونو سئچمییمیزی طلب ائدیرلر. قارداش‌لاریم، موسلمان، هله ده بو موسلمان تورک ایسه جسور اینسان‌دیر، بو بئله معلوم اولا". ایفاده‌لرینی ایستیفاده ائتدی.
پرزیدنت اردوغان دانیشماسیندا، تورکیه‌نین ایسلام امکداش‌لیق تشکیلاتی‌نین باشقانی اولا‌راق چرشنبه گونو ایستانبولدا کئچیرجگی فوق ا‌لعاده ایسلام ایجلاسینا دا توخونا‌راق،
بورادا معین ائدجگیمیز یول پلانی بو قرارین حیاتا کئچیریلمه‌سی‌نین هئچ ده ائله آسان اولمایاجاغینی گؤسترجگیک". دئدی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
