سالدیرینین امرینی وئرن چچن تروریست اؤلدورلدو

گورجوستان، اؤتن ایل ایستانبول‌داکی آتاتورک هاوا لیمانینا یؤنه‌لیک سالدیرینین تعلیماتینی وئردیگی ایر‌لی سورولن، ترور هؤرگوتو داعش اویه‌سی احمد چاتایئوین اؤلدورولدویونو بیلدیردی.

گورجوستان گوونلیک سرویسی‌نین سؤزچوسو نینو گیورگوبیانی، چچن کؤکنی احمد چاتایئوین ۲۲ نوامبردا گئچیریلن عملیات‌دا اؤلدورولدویونو بیلدیردی.

سؤزچو، آچیقلاماسیندا،

"آمریکالی مسلکداشلاریمیزلا بیرگه آپاریلان سوروشدورمالار نتیجه‌سینده، اؤلدوروله‌نلردن بیرینین چاتایئو اولدوغو معین ائدیلمیش‌دیر" دئدی.

ایستانبول آتاتورک هاوا لیمانین‌داکی سالدیرینین تعلیماتینی وئره‌ن شخصین "تک قول" لقب‌لی چچن تروریست احمد چاتایئو اولدوغو ایر‌لی سورولموشدو.

۲۸ ژوئن ۲۰۱۶داکی سالدیریدا ۴۵ نفر حیاتینی ایتیرمیش، ۲۳۶ نفر ده یارالانمیشدی.