"تورکیه اگمن و غرورلو بیر اؤلکهدیر"
شیمشک، ویزا بحرانینین یاخیندا حل ائدیلمهسینی گؤزلدیکلرینی بیلدیردی
باشباخان یاردیمچیسی محمد شیمشک، آمریکا ایله باش وئرن ویزا بحرانینین گئچیجی اولدوغونو بیلدیردی.
باشباخان یاردیمچیسی شیمشک، اولوسلارآراسی پول صاندیغی آیاماف و دونیا بانکینین توپلانتیلاریندا ایشتیراک ائتمک اوچون گئتدیگی واشینگتوندا، ایلک اولاراق آمریکا تیجارت اوتاغیندا، تورک میراث وقفیی پانلینده دانیشدی.
تورکیهنین اقتصاددا بیر چوخ اصلاحاتلاری حیاتا گئچیردیگینی و دونیانین ان بؤیوک 13.جو اقتصادی اولدوغونو دئین شیمشک، ویزا بحرانینا دا توخوناراق،
"تورکیه اگمن و غرورلو بیر اؤلکهدیر. آمریکانین ویزا قرارینا البته، عینی قارشیلیق وئریلهجکدی و وئردی" دئدی.
آمریکا و بوتون دوست اؤلکهلردن امپاتی گؤزلدیکلرینی قید ائدن شیمشک، ارتباط، دیالوگ و آنلاییشین شرط اولدوغونو بیلدیردی.
آمریکا ایله تورکیهنین بیر چوخ قونودا بیر بیرینه احتیاج دویدوغونو وورغولایان شیمشک، ارتباط کاناللارینین آچیق اولماسی لازیم اولدوغونو ایفاده ائتدی.
شیمشک، ویزا بحرانینین یاخیندا حل ائدیلمهسینی گؤزلدیکلرینی ده بیلدیردی.