جمهور باشقانی اردوغان بوسنیالی میللی آزلیق شوراسینین صدرینی قبول ائتدی
جمهور باشقانی رجب طیب اردوغان صربیستانا سفری زامانی بوسنیالی میللی آزلیق شوراسینین صدری سولژمان اوگلژانینی قبول ائتدی
جمهور باشقانی رجب طیب اردوغان صربیستانا سفری زامانی بوسنیالی میللی آزلیق شوراسینین صدری سولژمان اوگلژانینی قبول ائتدی.
داها سونرا بوسنیالی میللی آزلیق شوراسینا مراجعت ائدن اردوغان سانجاک ساکینلرینی و صربیستان-داکی بوسنیالی آزلیغی سادهجه یاخین اقربا کیمی گؤرمهدیکلرینی سؤیلهدی: "بوسنیالی آزلیغین حقوقلاری آوروپا اؤلکهلری آراسیندا ان گوجلو قانون اساسلاریندان بیرینه صاحب اولان صربیستان قانونلاری و آنایاساسی چرچیوهسینده وئریله بیلر، بوسنیالی میللی آزلیق شوراسینین صدرینین بونونلا علاقهلی جهدلری تقدیره لاییقدیر".
تورک ایش آداملارینین یاتیریملارینی سانجاکدا آرتیرماغا جهد گؤستردیکلرینی و بونو تشویق ائتدیکلرینی بیلدیرن اردوغان اؤتن گون بلگراد-دا ایش فوروموندا چیخیش ائتدی.
جمهور باشقاین چیخیشیندا ساغلیق، تحصیل و دیگر بیر سیرا ساحهلرده ایکی اؤلکهنین بیرگه آدیملاماسینین واجیبلیگینی دیله گتیردی.
اردوغان صربیستانا سفری زامانی امکداشلیغا دایر بیر سیرا پروتوکوللار ایمضالادیقلارینی دا وورغولایاراق، بوتون بو اینکیشاف و مدنیت لاییحهلرینین سانجاک و نووی بازار اهالیسینه خیرلی اولماسینی دیلهدی.