تورکیه و ایران باش قرارگاه باشقانلاری مطبوعات توپلانتیسی ائتدیلر
تروریزمله موباریزه و مرز امنیتی مسئله‌لرینی وورغولایا‌راق، "سیاسی و ایقتیصادی علاقه‌لریمیزی علاوه‌دن نیظامی علاقه‌لریمیزی ده اینکیشاف ائتدیریریک
ایراندا رسمی گؤروشمه‌لرده اولان تورکیه باش قرارگاه باشقانی ژنرال حولوصی آکار، تورکیه و ایرانین موجود تهدید و ریسک‌لره قارشی نیظامی ساحه‌ده ایشبیرلیکلرینی اینکیشاف ائتدیره‌جک‌لرینی سؤیله‌دی.
ایرانین باشکندی تهران‌داکی ایران باش قرارگاه قرارگاهیندا، ایران‌لی همکاری محمد باقری ایله ایکیطرف‌لی و هیات‌لر آراسی گؤروشمه‌لرین آردین‌دان تشکیل ائدیلن اورتاق مطبوعات کونفرانسیندا دانیشان آکار، تورکیه و ایرانین عصرلردیر دوست و اورتاق دگرلره صاحب ایکی اؤلکه اولدوق‌لارینی ایفاده ائتدی.
تروریزمله موباریزه و مرز امنیتی مسئله‌لرینی وورغولایا‌راق، "سیاسی و ایقتیصادی علاقه‌لریمیزی علاوه‌دن نیظامی علاقه‌لریمیزی ده اینکیشاف ائتدیریریک. خصوصیله اؤنوموزدکی گون‌لرده ترورلا موباریزه و بونا باغلی اولاراق مرز امنیتی موضوعلاریندا راضیلیغا وارمیش اولوروق" آچیقلاماسینی ائتدی.
ایران باش قرارگاه باشقانی باقری ایسه چیخیشیندا دانیشیق‌لاردا ایکی اؤلکه اوچون تهدید میدانا گتیرن موضوعلارین اله آلیندیغینی، هر ایکی اؤلکه‌نین ده عراق کورد بؤلگه‌سل رهبرلیگی طرفیندن 25 سپتامبردا کئچیریلن غیری-قانونی موستقیل‌لیک خالق سسوئرمه‌سینه قارشی اورتاق موضع اینکیشاف ائتدیردیک‌لرینی سؤیله‌دی.
باقری،
"عراقین اراضی بوتؤو‌لوگو و خالق اویلاماسی‌نین قبول ائدیلممه‌سی موضوعلاریندا اورتاق گؤروشمه‌لره صاحیبیک. عراق و سوریه اوردوسونون داعشله موباریزه‌سی و بو ایکی اؤلکه‌نین بیر آن اوّل باریش و امنیتینه قوووشماسی موضوعلاریندا فیکیر آلیش-وئریشی ائتدیک." دئدی.
بون‌دان علاوه،
"ایکی اؤلکه و ایسلام اؤلکه‌لری سیلاح‌لی گوجلری‌نین ایشبیرلیکلرینی آرتیرما‌لاری موضوعسونو دانیشدیق. میانمارا کؤمک و بونا بنزر پروبلم‌لرین ایسلام اؤلکه‌لری و باشقا اؤلکه‌لرده تکرارلانماماسی اوچون فیکیر آلیش-وئریشی ائتدیک." ایستیفاده ائدیلمیش ایفاده‌لر.
ایکی اؤلکه آراسین‌داکی نیظامی علاقه‌لرین اینکیشاف ائتدیریله‌جگینی وورغولایا‌راق،
"نیظامی تحصیل، مانور و تجروبه پای‌لاشیمی موضوعسوندا گؤروشمه‌لر کئچیردیک. بو موضوعلار و داها چوخ حؤرمت‌لی پرزیدنت رجب طیب اردوغانین 4 اوکتوبر چرشنبه گونو ایرانا ائدجگی سفری زامانی دا گؤروشوله‌جکدیر." او شکلینده دانیشدی.
آکارین پرزیدنتی حسن روحانی، ایران میللی امنیت عالی شوراسی‌نین باش کاتیبی علی شمخانی و ساوونما ناظیری امیر حاتمی ایله ده بیر آرایا گلمه‌سی گؤزلنیلیر.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
