جمهور باشقانی اردوغان امریکا-دا سفرده دیر
جمهور باشقانی رجب طیب اردوغان بیرلشمیش میللتلر تشکیلاتینین عمومی ایجلاسینا قاتیلماق اوچون آمریکا-نین نیویورک شهرینه گلدی.
جمهور باشقانی رجب طیب اردوغان بیرلشمیش میللتلر تشکیلاتینین عمومی ایجلاسینا قاتیلماق اوچون آمریکا-نین نیویورک شهرینه گلدی.
جمهور باشقانی اردوغانی امریکا-دا یاشایان تورکلر سئونج ایله قارشیلادیلار.
جمهور باشقانی اردوغان و خانیمی امینه اردوغانی هاوا لیمانیندا خاریجی ایشلر ناظیری مؤلود چاووش اوغلو، تورکیه-نین بمت-دکی دایمی نمایندهسی، سفیر فریدون سینیرلی اوغلو، تورکیهنین واشینگتن بویوک ائلچیسی سردار کیلیچ، نیویورک باش کونسولو ارتان یالچین، خانیمی باشاک یالچین و باشقا رسمی شخصلر قارشیلادیلار.
اردوغانی نیویورک سفرینده تورکیه سیلاحلی قوهلرینین باش قرارگاه رئیسی ژنرال حولوصی آکار، باش ناظرین معاوینی رجب آکداغ، عدالت ناظیری عبدالحمید گول، آوروپا بیرلیگی ایشلری عذره ناظیر عمر چلیک، ایقتیصادیات ناظیری نیهات زیبکچی، انرژی و طبیعی قایناقلار ناظیری برات آلبایراک موشاییت ائدیرلر.
اردوغان سفر پروقرامی چرچیوهسینده 19 سپتامبردا (چرشنبه آخشامی گونو) بمت عمومی ایجلاسینین "اینسان اوزرینده مرکزلشمه: داواملی دونیادا هر کسه باریش و اینسان کیمی بیر حیات اوچون موباریزه" مؤضوعلو ایلک اوتوروموندا چیخیش ائدهجک.
سونرا جمهور باشقانی اردوغان بمت باش کاتیبی آنتونیو گوترش-ین تشکیل ائدجیی گونورتا یئمیینه، آخشام ساعتلاریندا ایسه آمریکا پرزیدنتی دونالد ترامپ و خانیمی طرفیندن وئریلهجک ضیافته قاتیلاجاق.
پرزیدنت اردوغان ایسلام امکداشلیق تشکیلاتینین روهینگیا علاقه قروپونون ییغینجاغیندا و بیرلشمیش میللتلر تشکیلاتینین قارشیسیندا اینشا ائدیلهجک یئنی "تورک ائوی" بیناسینین تمل آتما مراسیمینده ایشتیراک ائدهجک.
تورکیه پرزیدنتی سفری مودتینده آمریکا پرزیدنتی دونالد ترامپ ایله و بعضی دؤولت ایله حکومت باشقانلاری ایکی طرفلی دانیشیقلار حیاتا کئچیرهجک، آمریکا ایش آداملاری، بئیین مرکزلرینین رهبرلری، آمریکا تورک، مسلمان، یهودی جمعیتلرینین نمایندهلری ایله بیر آرایا گلهجک، مئدیایا موصاحیبهلر وئرهجک.
تورکییه پرزیدنتی آمریکا سفری سپتامبرین 22-دک داوام ائدهجک.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.