اردوغان، میانمار لیدئری ایله گؤروشدو

جمهور باشقانی رجب طیب اردوغان، آراکاندا باش وئرن‌لرله باغلی میانمار لیدئری آنگ سان سوو چی ایله تلفندا دانیشدی.

دانیشیقدا اردوغان آراکان مسلمان‌لارینا قارشی اینسان حاق‌لاری پوزونتولارینداکی آرتیشین باشدا اسلام اؤلکه‌لری اولماق اوزره بوتون دونیادا درین راحاتسیزلیغا یول آچدیغینی وورغولادی.

مسئله‌یه دایر فیکیر آلیش وئریشی ائدن اردوغان ایله آنگ سان سوو چی، مؤوجود بحرانین نئجه حل اولوناجاغی و بؤلگه خالقینا انسانی یاردیم‌لارین چاتدیریلماسی مسئله‌لرینی مذاکیره ائتدی.

تورکیه‌نین ترورو دا معصوم وطنداش‌لاری هدف آلان عملیات‌لاری دا پیسلدیگینی خاطیرلا‌دان اردوغان، حادثه‌لرین جدی بیر اینسانی بحرانا چئوریلمه‌سی‌نین قایغییا سبب اولدوغونا دقت چکدی.

اردوغان، تورکیه‌نین پروبلئمین حلینه یؤنه‌لیک چابا‌لاری دستکلدیگینه، بو پروسه‌ده اورانتی‌سیز گوج اویقولاماسین‌دان اوزاق دورولماسی و دینج اها‌لی‌نین ضرر گؤرممه‌سی اوچون ماکسیموم حساسیت گؤستریلمه‌سی لازیم اولدوغونا دا ایشاره ائتدی.