جمهور باشقانی اردوغان اوچونجو ایلینی دیرلندیردی
جمهور باشقانی رجب طیب اردوغان جانلی یاییمدا پرزیدنتلیگی دؤوروندکی اوچونجو ایلینی دیرلندیردی.
جمهور باشقانی رجب طیب اردوغان ت.ر.ت-نین خصوصی بوراخیلیشیندا ژورنالیست اوغوز هاکسئورین سواللارینی جاوابلاندیردی.
جمهور باشقانی رجب طیب اردوغان جانلی یاییمدا پرزیدنت وظیفهسیندکی اوچونجو ایلینی دیرلندیردی.
ت.ر.ت-نین خصوصی بوراخیلیشیندا ژورنالیست اوغوز هاکسئورین سواللارینی جاوابلاندیران اردوغان میانمارداکی حادثهلرله علاقهدار: " بیز بونو شدتله قیناییریق. مسئله نی بیرلشمیش میللتلر تشکیلاتی باشدا اولماقلا، اولوسلار آراسی قوروملاردا دیله گتیرجییک" دئدی.
جمهور باشقانی اردوغان تورکیهنین دونیانین هر طرفیندکی احتیاجی اولان اؤلکهلره یاردیم و دستک وئردیگینه دقت چکدی، دونیانین آز اینکیشاف ائتمیش اؤلکهلرینه یاردیم مسئلهسینده آمریکا-نین بیرینجی، تورکیهنین ایسه ایکینجی اولدوغونو قئید ائتدی.
اردوغان قطر و بعضی عرب اؤلکهلری آراسینداکی بحرانین قوربان بایرامیندا بیتیریلمهلی اولدوغونو دا وورغولادی.
جمهور باشقانی ایسرائیل-ین مسجیدی الاقصی-نی محاصرهیه آلماسی مسئلهسی ایله باغلی وضعیتین تامامیله ساکیتلشمدیگینی سؤیلهدی.
فیلیسطین لیدئری محمود عباس، ایسرائیل پرزیدنتی رووین ریولین و اردن کرالی ایکینجی عبدالله ایله گؤروشلر کئچیردیگینی خاطیرلادان اردوغان:" هئچ کیمین "بورا منیمدیر، بورایا مسلمانلار گیره بیلمز" دوشونجهسی اولا بیلمز" دئدی.
بوراخیلیشدا افریقا اؤلکهلرینه ائتدیگی سفرلرله ده اهمیتلی آددیملارین آتیلدیغینی قئید ائدن جمهورباشقانی:" وظیفهمه باشلادیغیمدا افریقادا 12 سفیرلیگیمیز واردی، ایندی ایسه بونلارین سایی 39 دور. افریقا ایله تورکیهنین هم رایلیگی داوام ائتدیگی تقدیرده او مستملکه اولاراق ایستیفاده اولان افریقا اؤزونه گلهجک” دئدی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.