تورکیه‌نین گؤروشو بارزانی‌یه دقیق شکیلده چاتدیریلدی
کرکوکده دؤولت بینا‌لارینا بایراق آسیلماسینی دوغرو گؤرمه‌دیکلرینی خاطیرلا‌دان چاووش‌اوغلو، رفراندومون دا دوغرو اولمایاجاغینی مخاطب‌لرینه سؤیلدیک‌لرینی بیلدیردی
خاریجی ایشلر یاخانی مولود چاووش‌اوغلو، تورکیه‌نین، عراقین تورپاق بوتؤو‌لوگونو و کوردلرین حاق‌لارینی مدافعه ائتدیگینی سؤیله‌دی.
چاووش‌اوغلو، بؤلگه‌نین دینج‌لیگینی و باریشینی ایستدیک‌لرینی ایفاده ائده‌رک،
"عراقین تورپاق بوتؤو‌لوگونو دستکلییریک. کورد بؤلگه‌سل رهبرلیگی‌نین حاق‌لارینی و کورد قارداش‌لاریمیزین حاق‌لارینی هر زامان تام بیر شکیلده مدافعه ائدیریک" دئدی.
چاووش‌اوغلو، عراق کورد بؤلگه‌سل رهبرلیگی باشقانی مسعود بارزانی ایله اربیلده بیر آرایا گلدی.
داها سونرا مطبوعاتا آچیقلاما وئرن چاووش‌اوغلو، بغداددا عراق پرزیدنتی فواد معصوم، عراق باشباخانی حیدر العبادی و عراق مجلیس باشقانی سلیم الجبوری ایله چوخ وئریملی دانیشیق‌لار گرچکلشدیردیک‌لرینی و اربیلده بارزانی ایله داعشه قارشی عملیات، پ‌کاکا و عینی زاماندا گوندمده اولان رفراندومو دانیشدیق‌لارینی سؤیله‌دی.
تورکیه‌نین رفزاندوم قونوسون‌داکی دوشونجه‌لرینی بارزانی‌یه دقیق شکیلده چاتدیردیقلارینی وورغولایان چاووش‌اوغلو،
"بیز بو بؤلگه‌نین دینج‌لیگینی و باریشینی ایستییریک. عراقین تورپاق بوتؤو‌لوگونو دستکلییریک. کورد بؤلگه‌سل رهبرلیگی‌نین حاق‌لارینی و کورد قارداش‌لاریمیزین حاق‌لارینی هر زامان مدافعه ائدیریک" دئدی.
چاووش‌اوغلو، هالکویلاماسی‌نین بؤلگه‌یه دینج‌لیک و ثابت‌لیک گتیرمه‌یه‌جیینه ایناندیق‌لارینی ایفاده ائتدی.
داها اؤنجه کرکوکده دؤولت بینا‌لارینا بایراق آسیلماسینی دوغرو گؤرمه‌دیکلرینی خاطیرلا‌دان چاووش‌اوغلو، رفراندومون دا دوغرو اولمایاجاغینی مخاطب‌لرینه سؤیلدیک‌لرینی بیلدیردی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
