باش ناظیر بینالی ییلدیریم سنگاپوردا سفردهدیر
باش ناظیر بینالی ییلدیریم سنگاپوردا گؤروشلری چرچیوهسینده مطبوعات منسوبلاری ایله بیر آرایا گلهرک سواللارا جاواب وئردی.
باش ناظیر آدی چکیلن اؤلکهیه سفری زامانی ایستانا ساراییندا رسمی مراسیمله قارشیلانیب. داها سونرا اؤلکهنین پرزیدنتی یام ایله بیر آرایا گلدی. مطبوعاتا قاپالی کئچیریلن گؤروش یاریم ساعتا یاخین داوام ائتدی.
باش ناظیر بینالی ییلدیریم سنگاپوردا گؤروشلری چرچیوهسینده مطبوعات منسوبلاری ایله بیر آرایا گلهرک سواللارا جاواب وئردی.
ییلدیریم سنگاپورون تورکیهنین بو بؤلگهیه گیریش قاپیسی اولدوغونو وورغولایاراق، بؤلگهدکی اؤلکهلرله علاقهلرین گوجلندیریلمهسینین مقصد گؤتورولدوگونو سؤیلهدی.
تورکیهنین تیجارت و سرمایه یاتیریملارینی آرتیرما ایله یاناشی ترورلا موباریزهده بؤلگه اؤلکهلریله امکداشلیق ائتمگی ایستدیگینی قئید ائدن باش ناظیر بیلدیردی کی، تورکیه جنوب-شرقی آسیا اؤلکهلر بیرلیگی (آسئان) ایله داها یاخیندان ماراقلانمالیدیر. اؤلکهمیز بیرلیگین سکتؤر ساحهسینده دیالوق طرفداشیدیر. بونا گؤره ده عضو دؤولتلره تشککور ائدیریک. سنگاپور بو ساحهده تورکیهیه دستک اولدو. بیرلیک 600 میلیون اهالینین گوجونو تمثیل ائدیر. بونونلا یاناشی 10 اؤلکهنی بیر آرایا گتیرسهنیز دونیانین ان بؤیوک 6-جی ایقتیصادیاتیندان سؤز آپاریلیر.
داعش-ین بؤلگه اوچون تهدید اولدوغونو دیله گتیرن باش ناظیر بینالی ییلدیریم بو ترور تشکیلاتینین بؤلگهده فعالیتلرینی گنیشلتمهیی پلانلاشدیردیغینین معلوم اولدوغونو، تورکیهنین تجروبه و موباریزه مؤضوع لاریندا گوجونو پایلاشماغا حاضیر اولدوغونو سؤیلهدی.
باش ناظبرین سفری سنگاپور ایله 2015-جی ایلده ایمضالانان و تورکیهنین بوگونه قدر طرفداش اولدوغو ان احاتهلی سربست تیجارت سازیشینین داخیلی حقوق تصدیق پروسهسینین تاماملاندیغی زامانا تصادف ائتمهسی باخیمیندان دا اهمیت داشیییر.