تورکیه ایله افریقا اؤلکه‌لری آراسینداکی امکداشلیق

باش ناظیرین معاوینی هاکان چاووش اوغلو تورکیه ایله افریقا اؤلکه‌لری آراسیندا 200-دن آرتیق امکداشلیغا دایر پروتوکول ایمضالاندیغینی بیلدیردی.  

هاکان چاووش اوغلو تورکیه ایله آفریقا آراسیندا چوخ قدیم ایللره اساس‌لانان و ایزلری ایندی ده بللی اولان تاریخی علاقه‌لرین مؤجودلوغونا توخونا‌راق دئدی کی، حکومتیمیزین افریقا اؤلکه‌لریله علاقه‌لرده آتدیغی یئنی آددیم‌لارلا قارشی‌لیق‌لی یوکسک سویه‌لی سفرلر آرتدی. باشدا تعلیم، تکنولوژی کؤچورولمه‌سی، ویزا رئژیمی‌نین لغوی، سیبر تهلوکه‌سیزلیگی، حربی ساحه‌ده امکداش‌لیق کیمی موختلیف ساحه‌لرده تورکیه ایله افریقا اؤلکه‌لری آراسیندا سندلر ایمضالاندی.

بورسا شهری‌نین گم‌لیک قصبه‌سینده 33 اؤلکه‌دن گلمیش افریقا وقفی یای مکتبی طلبه‌لری ایله بیر آرایا گلن چاووش اوغلو عالی تحصیل اوچون تورکیه‌نی سئچن طلبه‌لرین کیفیت‌لی دونیا باخیشی و موباریزه ائدن روحا صاحب اولدوق‌لارینی بیلدیردی.  

هاکان چاووش اوغلو تورکیه‌نین اولوسلار آراسی طلبه مؤضوعسوندا اوزون ایللره اساس‌لانان تجروبه‌یه صاحب اولدوغونو دا دیله گتیردی.  

چاووش اوغلو افریقا‌داکی بیر اؤلکه‌ده یاشایان اینسانین فاجعه لی وضعیتی اوچون تورکیه‌نین ان اوجقار یئرلرین‌دن بئله یاردیم و دستک گؤندریلدیگینی خاطیرلاتدی.