گوجلو بیر شکیلده قینادیلار

ایستانبولدا توپلانان اسلام امکداش‌لیق تشکیلاتی خاریجی ایشلر باخانلاری اولاغان اوستو ایجرا کمیته‌سی، ایسراییلین سون زامان‌لارداکی تخریباتچی حرکت‌لرینی گوج‌لو بیر شکیلده قینادی.

حرم شریفه باغلی سون گلیشمه‌لری اله آلماق اوزره تورکیه‌نین چاغریسی اوزرینه ایستانبولدا اولاغان اوستو توپلانان "اسلام امکداش‌لیق تشکیلاتی خاریجی ایشلر باخانلاری اولاغان اوستو ایجرا کمیته‌سی ییغینجاغی"نین آردین‌دان یاییملانان نتیجه بیلدیریسینده، قدسون اسلام یؤنه‌تیمینده قالدیغی عصرلر بویونجا اینشا ائدیلمیش اؤرنک دینی خوش‌گؤرو وورغولاندی.

مسجد اقصی‌نین اسلامین ایلک قیبله‌سی و ان مقدس اوچ مسجدین‌دن بیری اولدوغونون وورغولاندیغی بیلدیریده، قدسون مسلمان امت اوچون دینی و روحانی کاراکتری ایله "موستملکه‌چی ایسراییل ایشغا‌لی‌نین" سبب اولدوغو بوتون تهدیدلره قارشی ساوونما قرار‌لی‌لیغینا وورغو ائدیلرک؛

"مسجد اقصی‌نین باغلانیلماسی، فلسطین‌لی مسلمان و خریستیان‌لارین طبیعی حاقی اولان مقدس یئرلرده عبادت ائتمه آزادلیق‌لاری‌نین، کوتلوی جزا تطبیق‌لری و باریشجیل شکیلده عبادت ائدن فلسطین‌لی‌لره قارشی اؤلومجول و آشیری گوج قوللانما یولو ایله قاداغان ائدیلمه‌سی داخیل اولماقلا، ایسراییلین سون زامان‌لارداکی تحریباتچی حرکت‌لرینی گوج‌لو بیر شکیلده قیناییریق" ایفاده‌لرینه یئر وئریلدی.