آلمانیا اینجیرلیک‌دن چکیلدی

آلمانیانین آدانا‌داکی اینجیرلیک حربی مرکزین‌ده‌کی عسگر و کشف اوچاق‌لارینی گئری چکمه قراری سونراسی، مرکزده‌کی سون تورنادو تیپی کشف اوچاغی دا چکیلدی.

آلمانیا ساوونما باخانلیغین‌دان دونن وئریلن آچیقلامادا، مرکزده‌کی بئش اوچاق‌دان سونونجوسونون دا اؤلکه‌یه چاتدیغی ایفاده ائدیلدی.

اینجیرلیک‌دن چکیلن کشف اوچاق‌لاری‌نین، اردنون ازرق شهرین‌دکی موفق سالتی هاوا مرکزینده قونوشلانما‌دان اؤنجه آلمانیادا توتولماسی اؤن گؤرولور.

آچیقلامادا، تورنادو پیلوت‌لاری‌نین داعشه قارشی مباریزه ائتمک اوزره کشف اوچوش‌لارینا آنجاق اکتبر آیین‌دان اعتباراً داوام ائده‌بیلجیی معلوماتی وئریلدی.

آلمان هاوا گوج‌لرین‌دن قیسا مدت اؤنجه وئریلن آچیقلامادا دا، آلمان اوردوسونون کسینتیسیز شکیلده فعالیت‌لرینی داوام ائتدیره‌بیلمه‌سی اوچون هر ایکی مرکزده ده پرسنل و لوازم اولماسی گرکدیگی ایفاده ائدیلمیشدی.

آلمانیا، گئچن آیین باشیندا اینجیرلیک‌دن چکیلمه‌یه باشلامیشدی.

آلمان اوردوسونون تانکر اوچاغینین اینجیرلیک‌دن چکیلمه‌سین‌دن قیسا مدت سونرا اردندا داعشله مباریزه اوچون وظیفه‌سینه باشلامیشدی.