ییلدیریم: بیز سیزی تورکیه شیرکتی اولاراق گؤروروک
باش ناظیر ییلدیریم، تورکیهده یاتیریم اولان آلمان فیرمالارین مسئوللاری ایله باش ناظیرلیک چانکایا کؤشکونده توپلانتی ائتدی
![ییلدیریم: بیز سیزی تورکیه شیرکتی اولاراق گؤروروک](http://cdn.trt.net.tr/images/xlarge/rectangle/ce3b/855b/5871/5979bc05c184b.jpg?time=1718860023)
باش ناظیر بینالی ییلدیریم، تورکیهده یاتیریم بولانان آلمان شیرکتلرینین مسئوللارینا، "بیز سیزی آلمان شیرکتی اولاراق گؤرموروک. بیز سیزی بو اؤلکهنین شیرکتی اولاراق گؤروروک." دئدی.
باش ناظیر ییلدیریم، تورکیهده یاتیریم اولان آلمان فیرمالارین مسئوللاری ایله باش ناظیرلیک چانکایا کؤشکونده توپلانتی ائتدی.
توپلانتییا ایلدیریملا بیرلیکده آوروپا بیرلیگی ناظیری عمر چلیک و ایقتیصاد ناظیری نیهات زیبکجی ده قاتیلدی.
ییلدیریم، آلمان ایدارچیلره،
"سیزین، یاشانان اینکیشافلاردان اؤتورو هر هانسی بیر ضرر گؤرممک، بو گرگینلیگین بیر پارچاسی اولمامانیز بیزیم اوچون چوخ اهمیتلی. چوخ آچیق سؤیلییرم، بیز سیزی آلمان شیرکتی اولاراق گؤرموروک. بیز سیزی بو اؤلکهنین شیرکتی اولاراق گؤروروک. ان آز یاریم عصردن بری تورکیهده اولان، آرتیق بیر آلمان فیرماسیندان چوخ تورک فیرماسی کیمی خالقین یادداشیندا یئر آلمیش یاتیریمجیلاریمیزین حاقسیز بیر شکیلده بورادا بیر تنقیده تابع توتولماسی، اونلارین بو علاقهلردن بیر بدل اؤدمهسی بیزیم اصلا دوشونهجگیمیز بیر شئی دئییل. " دئیه دانیشدی.
آلمانیا ایله علاقهلرین کؤکلو بیر کئچمیشی اولدوغونو ایفاده ائدن ایلدیریم، بو کئچمیش و آلمانیادا یاشایان تورکلر ده نظره آلیندیغیندا علاقهلرین قالیجی اولاراق منفی بیر شکیلده سئیر ائتمسینین "عاقلا زیان بیر ایش" اولدوغونو ایفاده ائتدی.
باش ناظیر، علاقهلرین پوزولماسینین هم آلمانیا، هم تورکیه باخیمیندان اؤلکهلره قازاندیراجاغی بیر شئی اولمادیغینی قید ائتدی.
ایلدیریم آیریجا، تورکیهده ایش ائدن آلمان شیرکتلرینه بیر سورشدورما باشلاتیلمادیغینی بیلدیرهرک،
"بیزیم آلمانیادان گؤزلنتیمیز پ.ک.ک و یا فتو ترور تشکیلاتی ایله بیرباشا علاقهلی و یا اونلارا دستک وئرن قوروملارا قارشی داها قرارلی بیر توتوم ایچینه گیرمهسی، اونلارا ائدن آچیلماماسی." دئدی.
اؤلکهلر آراسیندا دوستلوقلارین و دوشمنچیلیگین ده گلیب کئچیجی اولدوغونو ایفاده ائدن ایلدیریم،
"بونون زیان بوراخیلمادان ایداره اولونماسی سیاستچیلرین ان اهمیتلی مسئولیتیدیر. بیز علاقهلرده گرگینلیگی تیرماندیرماقدان یانا دئییلیک" ایفادهسینی ایستیفاده ائتدی.
باش ناظیر ییلدیریم ایله گؤروشدوکدن سونرا آچیقلاما وئرن آلمان شیرکتلرینین رهبرلری ده، پاییزا قدر مثبت اینکیشافلار اولا بیلهجگینی وورغولادیلار.
ایدارچیلر، ایقتیصاد ناظیری نیهات زیبکجینین 'تورکیهده یاتیریم ائدن شیرکتلرین اوست سویه ایدارچیلرینی زیارت ائدیب بیرلیکده ایضاح ائدک ناراحاتلیقلاری آرادان قالدیراق. ایلئتیشیمدکی پروبلملری آرادان قالدیرماق اوچون بیر سیرا تدبیرلر آلاق 'شکلینده دانیشدیغینی دا تصدیق ائتدیلر.