ایبراهیم قالین: آلمانلارین آچیقلاما‌لاری، ایچ سیاست ناراحاتلیقلاری ایله ایلکیلی
قالین، پرزیدنت ساراییندا تشکیل ائتدیگی مطبوعات کونفرانسیندا گوندمی قیمتلندیردیک‌دن سونرا، ژورنالیست‌لرین سوال‌لارینی جوابلادی
تورکیه پرزیدنت سؤزچوسو ایبراهیم قالین، آلمان مسئول‌لارین طالع‌سیز آچیقلاما‌لاری‌نین، ایچ سیاست ناراحاتلیقلاری ایله ایلکیلی ایفاده‌لر اولدوغونو سؤیله‌دی.
قالین، پرزیدنت ساراییندا تشکیل ائتدیگی مطبوعات کونفرانسیندا گوندمی قیمتلندیردیک‌دن سونرا، ژورنالیست‌لرین سوال‌لارینی جوابلادی.
بیر ژورنالیستین، آلمانیا خاریجی ایشلر ناظیری سیگمار گابریل‌ین تورکیه علیهداری سون آچیقلاما‌لارینا باغلی بیر سوال اوزرینه قالین؛
"تورکیه‌یه گلن آلمان وطنداش‌لاری‌نین اعتباردا اولمادیغی شکلین‌دکی آچیقلاما‌لارینی شدتله قیناییریق. ایللردیر تورکیه‌یه آلمان وطنداش‌لاری گلیرلر. بیز آلمان توریست‌لری داها چوخ گؤرمک ایستییریک بورادا. اونلارین جان مال امنیتی بیزیم امانتیمیزدیر." ایفاده‌لرینی ایستیفاده ائتدی.
قالین، آلمان سیاستچی‌لرین بو جور آچیقلاما‌لاری‌نین، اؤلکه‌لرینده یاخین‌لاشان سئچیم‌لره ایستیقامت‌لی ایچ سیاست یاتیریم اولدوغونو دوشوندوک‌لرینی ایفاده ائده‌رک؛
"آلمانیادا بو بیر مودا حالینا گلدی. اونلار اؤز فیکیرلرینجه بال توپلاماغا چالیشیرلار. اونلارین اوتوروب عقل توتولماسین‌دان قورتولوب دوشونمه‌لری لازیم‌دیر" دئیه دانیشدی.
پرزیدنت سؤزچوسو، "قبول ائدیله بیلمز" اولدوغونو اؤنه چکدیگی بو آچیقلاما‌لاری قینادیق‌لارینی دا ایفاده ائتدی.
ایبراهیم قالین، آمریکانین 2016 ترور راپوروندا، فتح الله‌چی ترور تشکیلاتی (فتو)'نون یئر آلماسین‌دان ممنونلوق دویدوق‌لارینی، آنجاق بو تشکیلاتین، کئچن ایل تلاش کودتا گیریشیمینه باخمایا‌راق ترور سیاهی‌سینا داخیل ائدیلممه‌سی‌نین ایسه "ضدیت" اولدوغونو بیلدیرمیشدیر .
قالین، مطبوعات کونفرانسیندا، ایسرائیلین، مسجیدی القصانین ایستاتوسونو دییشدیرمگی هدفله‌ین آددیملاریندان ناراحات‌لیق دویدوق‌لارینی دا قید ائتدی.
ایسپیکر قالین،
"مسجیدی القصانین امنیت سببیله محاصیره، (گیریش-چیخیش‌لارین) قارشی‌سی‌نین آلینماسی ایمکانی چالیشیلماسی قبول ائدیله بیلر بیر وضعیت دئییل. فیلیسطین خالقی و مسجیدی القصا یالنیز دئییل. حرم شریف‌ده محدودیت‌لره گئدیلمه‌سی قبول ائدیله بیلر بیر شئی دئییل. بو سبب‌دن آمریکا و آوروپا بیرلیگی'نین سس‌سیزلیگینی پوزماسی لازیم اولدوغونو دوشونوروک. صاباح جمعه نامازی موناسیبتیله یئنی چاتیشما‌لارین یاشانماسینی ایستمیریک. چاغریمیز بوتون طرف‌لرین سس‌لرینی یوکسلتمه‌سی و ایسرائیلین بو سیاستین‌دن ایمتیناع ائتمه‌سی‌دیر "دئدی.
