باش ناظیر ییلدیریم‌ عبادی و یاگلان ایله تلفوندا دانیشدی

باش ناظیر بینالی ییلدیریم عراق باش ناظیری حیدر العبادی و آوروپا شوراسی‌نین باش کاتیبی توربیان یاگلان ایله تلفونلا دانیشدی.

باش ناظیرلیگدن وئریلن معلوماتا گوره، ییلدیریم موصولون ترور تشکیلاتی داعش-دن آزاد ائدیلمه‌سی ایله باغلی عراق حکومتینی تبریک ائتدی، تورکیه‌نین تخریب ائدن تاریخی شهرین برپاسیندا ایشتیراک ائتمه‌یه حاضیر اولدوغونو بیلدیردی.

باش ناظیر ییلدیریم تلفون دانیشیغیندا ترور ایله موباریزه داخیل اولماقلا یاخین بولگه‌ده‌کی وضعیت ایله علاقه دار عراق حکومتی ایله امکداشلیغی داوام ائتدیرمک مسئله سینده قرارلی اولدوقلارینی وورغولادی.

عراق باش ناظیری عبادی ایسه تورکیه ایله هر ساحه ده امکداشلیغا حاضیر اولدوقلارینی ایفاده ائده ره ک، عراق-ین قوزیی ینده کی پروسئس ایله باغلی موقع لرینی بیلدیردی.

باش ناظیر بینالی ییلدیریم‌ین آوروپا شوراسی‌نین باش کاتیبی توربیان یاگلان ایله باش توتان تلفون دانیشیغیندا، آوروپا شوراسی ایله یاخین امکداشلیغی داوام ائدیرمک مسئله سینده قرارلی اولدوقلارینی بیلدیردی.

ییلدیریم آوروپا شوراسی‌نین تکلیف لری چرچیوه سینده حیاتا کئچیردیکلری دوزنله‌مه‌لرین نظره آلینماسینی و فتح الله چی ترور تشکیلاتی‌نین 15 ژوئیه 2016-جی ایلده‌کی چئوریلیش جهدیندن سونراکی پروسئس‌ده ، تورکیه-یه داها چوخ آنلاییش گوستریلمه‌سینی گوزله‌دیکلرینی قئید ائتدی.

آوروپا شوراسی‌نین باش کاتیبی یاگلان 15 ژوئیه چئوریلیش جهدی مسئله سینده تورکیه ایله دایانیشما ایچینده اولدوقلارینی وورغولادی، دیالوق و امکداشلیغین داوام ائتدیریلمه‌سینه اهمیت وردیکلرینی بیلدیردی.